Б.БАЯРЖАВХЛАН Тээврийн Цагдаагийн Албанаас маргааш буюу арваннэгдүгээр сарын 29-ны өдөр замын хөдөлгөөнд оролцогч хэн бүрийг дор бүрнээ замын хөдөлгөөнд соёлтой, дүрмийн дагуу оролцохыг уриалж "Хичээх өдөр” арга хэмжээг зохион байгуулахаар болжээ. Энэхүү арга хэмжээг зургаа дахь жилдээ зохион байгуулж байгаа бөгөөд нэг өдөр л жолооч болон замын хөдөлгөөнд оролцогчид дүрмээ ягштал биелүүлсэн тохиолдолд олон хүн эрүүл мэнд, амь насаараа хохиролгүй элэг бүтэн амьдрах юм. Тэгвэл "Хичээх өдөр” арга хэмжээг тохиолдуулан маргааш буюу арваннэгдүгээр сарын 29-ны өдрийн 11:00 цагаас арван минутын хугацаанд бүх тээврийн хэрэгслийн хөдөлгөөнийг түр хугацаагаар хаахаар болжээ. “Тухайлбал “Энхтайваны өргөн чөлөө”-ны авто замын хөдөлгөөнийг 11:00 цагаас таван минутын хугацаатай түр зогсоох бөгөөд зам тээврийн ослын үед хохирсон иргэдэд шуурхай тусламж үзүүлдэг цагдаа, эмнэлгийн яаралтай түргэн тусламж, онцгой байдлын шуурхай дуудлагын тээврийн хэрэгслүүд тусгай дуут болон гэрэл дохиогоо дуугарган иргэдэд анхаарал болгоомжтой замын хөдөлгөөнд оролцох талаар сануулна. Мөн зам хөдөлгөөний дүрмээ зөрчихгүй байх уриалга бүхий авто клубын залуус тээврийн хэрэгсэлтэйгээ өглөөний 10:20 минутад Дүнжингарав худалдааны төвөөс хөдөлж, Нарны замаар Хүүхдийн паркийн баруун уулзвараар-Төв шуудан-Баруун 4 зам-Нарны гүүрний доогуур нарны замаар Дүнжингарав худалдааны төв гэсэн маршрутаар явах юм байна. Эх сурвалж: www.polit.mn