Тэрбумтан Майкл Блүүмберг  Фото: REUTERS

Д.АРИУН АНУ-ын Нью-Йорк хотын дарга асан, тэрбумтан Майкл Блүүмберг тус улсын Ардчилсан намаас Ерөнхийлөгчид нэр дэвших эрхийн төлөө сонгуулийн кампанит ажил эхлүүлж байгаагаа өнгөрсөн баасан гариг /2019.11.22/-т албан ёсоор зарлалаа. Ням гаригт буюу арваннэгдүгээр сарын 24-нд тэрээр улс төрийн сурталчилгаагаа эхлүүлж, америкийн сонгогчдод хандан уриалга гаргажээ. Майкл Блүүмберг  хэлэхдээ, Би Ерөнхийлөгч Дональд Трамдыг ялж Америкийг дахин сэргээн босгохын төлөө өрсөлдөнө гэсэн байна. Тэрбумтан эдийн засаг, эрүүл мэнд, цагаачлал, боловсрол, олон нийтийн газар галт зэвсэг хэрэглэсэн гэмт хэрэг зэрэг асуудалд анхаарлаа хандуулна хэмээн амлаж байгаа  юм. Хэрвээ Дональд Трамп дараагийн сонгуульд ялж, Цагаан ордонд үлдэх юм бол Нэгдсэн улс дахин сэргээхэд хэцүү хохирол амсана гэж Майкл Блүүмберг хэлсэн байна. Майкл Блүүмберг өдгөө 77 настай, дэлхийн тэрбумтнуудын жагсаалтад багтдаг эрхэм. Тэрээр 2002-20013 оны хооронд АНУ-ын Нью-Йорк хотын даргаар ажиллаж байсан билээ. Эх сурвалж: polit.mn