Нийтийн болон рок, попын оддыг нэгэн дор багтаасан “Аялгуут намар” хандивын тоглолт энэ  сарын 27-нд Улаанбаатар паласын Их танхимд болох гэж байна.  Гурав дахь жилдээ уламжлал болгон зохион байгуулагдаж байгаа “Аялгуут намар” тоглолтын орлогыг сэтгүүлч Ж.Жаргалсайханы эмчилгээнд зарцуулах юм.  Сэтгүүлч Ж.Жаргалсайхан нь Монголын сэтгүүлзүйн салбарт 20 гаруй жил ажиллахдаа “Сэрүүлэг” сониноос ажлын гараагаа эхэлж, “Сурагч” сонин, Shuud TV, Shuud.mn, Mass.mn, Ontslokh.mn сайтуудыг үүсгэн байгуулалцаж, Монголын сайтын холбооны ерөнхийлөгчөөр ажиллаж байсан юм. 2017 оноос эхлэн тасралтгүй эмчилгээ хийлгэж байсан ч түүний өвчин хүндэрч дөрөвдүгээр үеийн бөөрний дутагдал, хоёрдугаар үеийн архаг цус багадалт, гуравдугаар үеийн тархины цусан хангамжийн дутмагшил, элэгний С вирус, системийн эмгэг хавсарсан шалтгаанаас болж БНСУ-ыг зориод байгаа билээ. Хандивын тоглолтод МУГЖ С.Батсүх, Бяцхан дуучин Бат-Энэрэл, МУГЖ Т.Ариунаа, Зууны манлай хос дуучин С.Вандан, Д.Дуламсүрэн, Ж.Алтанцэцэг, СТА С.Сэрчмаа, С.Наран, Э.Энх-Эрдэнэ, Т.Ганбүргэд, Гурван бүдүүн, Мотив зэрэг хамтлаг, дуучид оролцоно. Тоглолт үзээд  сайн үйлсийн аянд нэгдээд зогсохгүй азтай үзэгч болох юм. Эх сурвалж:www.polit.mn