Т.САЙХАН С.Баярын Засгийн газар Оюутолгойн гэрээг баталснаас хойш 10 жилийн хугацаа өнгөрчээ.  Гэрээг батлагдах үед Засгийн газрын хуралдаан дээр ямар асуудал яригдаж байсан тухай тэр үед танхимд нь багтаж байсан сайд  ярьж байна.  ХЗДХ-ийн сайд  Ц.Нямдорж С.Баярын Засгийн газарт мөн Хууль зүйн сайдаар ажиллаж байсан.  Тухайн үед зарим гишүүдийн зүгээс гэрээнд гарын үсэг зурсан дөрвөн сайдыг "Риотинто”-гийн талаас 250 сая.ам долларын хахууль авсан тухай ид яригдаж байв.   Энэ асуудлыг ч  тэр үед Засгийн газрын хуралдаанаар хэлэлцэж байсан тухай өнгөрсөн лхагва гаригт Ц.Нямдорж сайд мэдэгдсэн. Тэрээр “Сайд нарын хахууль авсан асуудал улс төрийн хүрээнд яригдаж  би тухайн үед Засгийн газрын хуралдаан дээр асуудлыг ярьсан.  Ийм гүтгэлэг тарааж байна. Гарын үсэг зурсан сайд нар тус бүрдээ 250 сая ам.доллар  хахуульд авчихсан юм бол үүнийгээ одоо хуваалц гэж хэлсэн.  Аваагүй бол энэ худлаа гэдгийг гарч олон нийтэд мэдэгд гэдэг зүйлийг яриад өнгөрч байсан.  Тэр үед Х.Баттулга Ерөнхийлөгч ч Засгийн газрын гишүүн байхдаа энэ асуудлыг хурал дээр сонсоод сууж байсан.  Ер нь дөрвөн тэрбум ам.долларын өртөгтэй төслийг УИХ-аар баталчихаад хоёр тэрбумыг нь хахуульд аваад сууж байдаг ийм хөрөнгө оруулалт гэж юу байх вэ” гэлээ. Мөн тэрээр саяхан  МАН-ын бүлгийн хурал дээр УИХ-ын гишүүн Х.Болорчулуунтай энэ асуудлаас болж маргалдсан гэдгээ хэлэв.   "250 сая ам.долларын хахуулийн асуудал ярьж байгаа бол одоо баримтыг нь гаргаад ир.  Тэгээд хахууль авсан сайд нараа шоронд хийх хэрэгтэй.  Ц.Нямдорж,  С.Баяр, С.Баярцогт нь байна уу хэн байсан хамаагүй” хэмээн   Х.Болорчулуун гишүүн рүү дайрчээ.  Ямартай ч түүний ярианаас харахад тухайн үеийн Засгийн газар 250 сая ам.долларын хахуулийн асуудлыг хэлэлцэж, хуваалцах саналыг ч Ц.Нямдорж сайд гаргаж тавьж байжээ. Эх сурвалж:www.polit.mn