Б.БАЯРЖАВХЛАН УИХ-ын гишүүн М.Энхболд 2008 оноос хойш Төв аймгаас УИХ-д сонгогджээ.  Түүнийг  60 тэрбум, МАНАН  зэрэг улс төрийн олон хэрэгт холбогдоод байгаа ч шалгагдахгүй байгаа хэмээн Төв аймгийн  АН-ын залуу гишүүд мэдэгдлээ.  Тиймээс тэд  М.Энхболдыг шалгуулах хүсэлтэй АТГ-т хүргүүлж байгаа юм байна.  Энэ талаар Төв аймгийн иргэн  Б.Хатанбаатар “М.Энхболд нь Ерөнхийлөгчийн сонгуулиас тав хоногийн өмнө Төрийн банкнаас нэг өдрийн дотор 20 тэрбум төгрөгийг “Шинжан Шинфа” гээд хятад эзэнтэй компаниар гаргуулж авсан байдаг. Үүнийг нотолсон ч Төрийн банкныхан шалгагдаад М.Энхболдод хариуцлага тооцохгүй байна. Мөн 60 тэрбум, МАНАН, мафийн толгойлогч гэгддэг.  Энэ хэргүүд  нь баримттай ч хууль хяналтын байгууллагад шалгагдахгүй байна.  Сүүлийн үед тэрээр хэргээ үл тоон, 2020 оны сонгуульд бэлтгэж эхэллээ.  2008 оноос хойш өөрийгөө сонгуулахын тулд аяга, усны сав зэргийг бэлэглэж ирсэн. Энэ мөнгийг тооцвол гурван тэрбум орчим төгрөг болж байна. Төв аймагт бүтээн байгуулалт хийхийн оронд мөнгөө ийм зүйлд зарцуулдгийг нь бид эсэргүүцэж байна” гэсэн юм. Эх сурвалж:www.polit.mn