Д.ЭНХЭЭ Орос улс хүчин чадал ихтэй дэлхийн гурван гүрний нэгэнд багтдаг хэдий ч түүнд дөрвөн сул тал бий хэмээн хятадын Sohu хэвлэлд нийтлүүлсэн өгүүлэлд дурдсаныг РИА Новости мэдээлсэн байна. "Нэгдүгээрт, энэ бол хүн ам. Оросын хүн амын тооны асуудал байнга л төвөг учруулж байсан”  хэмээн өгүүлэлд бичжээ. Хүн амын эрэгтэй, эмэгтэй хүйсийн тэнцэл алдагдахад хүргэсэн Дэлхийн хоёрдугаар дайн, мөн ЗСБНХУ задарсны үр дагавар ийм байдлыг үүсгэсэн хэмээн тус өгүүлэлд онцолжээ. Орос улсын сул талын тоонд зохиогч олон үндэстэн ястан бүхий хүн амыг удирдан жолоодоход төвөгтэй, бас эдийн засгийн хүндрэл бэрхшээл зэргийг мөн хамааруулжээ. Өгүүллийг бичигчийн үзэл бодлоор хуучин Зөвлөлт Холбоот Улсын үеийн хүнд аж үйлдвэрийн хөгжилд суурилсан эдийн засгийн моно чиглэл, бусад салбарын хөгжилд хохиролтой Цэрэг – аж үйлдвэрийн цогцолбор, мөн түүнчлэн улс орны газар зүйн тийм ч таатай бус байршил зэрэг нь эдийн засгийн хүндрэл бэрхшээлд хүргэсэн аж. Үүнээс гадна олон улсын хүнд хэцүү нөхцөл байдалд Sohu анхаарал хандуулжээ. “Хэрвээ чи энхийг хүсч байгаа бол хэрэгтэй байна аа л гэсэн үг” хэмээх энэ үгээр олон улсын өнөөгийн нөхцөл байдлыг ОХУ-д хамааруулан тодорхойлж болох юм” хэмээн зохиогч үзэж байна. АНУ-ын гол өрсөлдөгч болохын хувьд Вашингтоны зүгээс ОХУ-д гарцаагүй дарамт шахалт үзүүлсээр байх болно хэмээн тэрээр төгсгөлд нь дүгнэсэн байна. Эх сурвалж: www.polit.mn