Ч.ЗОТОЛ Мөнгө угаах цахим гэмт хэрэг үйлдсэн БНХАУ-ын иргэдийн визний асуудал болон ҮХЦ-ийн дарга Д.Одбаярын талаар Гадаад харилцааны сайд Д.Цогтбаатар сэтгүүлчдийн асуултад хариуллаа. Түүний ярьснаас  хоёр зүйл  анхаарал татаж байна. Нэгдүгээрт, жуулчны визээр бөөн бөөнөөрөө Монголд орж ирсэн хятад иргэдтэй харьцуулахад харин ч Монголын иргэд  маш олноороо өмнөд хөршийг зорьдог гэнэ. Хамгийн гол нь аялал жуулчлалын үйлчилгээ эрхэлдэг компаниар зуучлуулдаг учраас бөөнөөрөө орж ирж байгаад гайх зүйлгүй. Бичиг, баримтыг ч шалгаж нягталдаг учраас асуудал байхгүй. Монголын холбогдох газрууд хэдэн сарын өмнөөс хяналтандаа авч шалгаж байсан гэдгийг салбарын сайд хэллээ. Хоёрдугаарт, Үндсэн хуулийн цэцийн дарга  төрийн өндөр албан тушаалтан. Монголын төрийг төлөөлж яваа элч төлөөлөгч гэж олон улсад үздэг.  Тиймээс олон улсын хуулиар  төрийг хамгаалж байгаа  гэдэг утгаар  саатуулж болохгүй. Нөгөө талаас хуулиа хүндлээд тэр хүнийг явуулсан гэсэн тайлбарыг тэрээр өгч байна.  Монгол Улсын төр дипломат эрх ямбатай, тэр нь төрийг хамгаалж  олон улсын хуулиар зохицуулагддаг учраас ҮХЦ-ийн даргын асуудалд манай улс ч гэсэн олон улсын хуулийг мөрдөнө гэсэн ойлголт төрж байна. Энэ асуудлаар ҮХЦ-ийн дарга Д.Одбаяр эх орондоо ирсний дараа тайлбар өгнө гэж урьдчилан  мэдэгдээд байгаа ажээ. Эх сурвалж: www.polit.mn