Х.ОЮУНБОЛД Их Британийн парламент өчигдөр ерөнхий сайд Борис Жонсоны Брекситийн гэрээний улмаас үүссэн улстөрийн хямралыг арилгахын тулд арванхоёрдугаар сарын 12-нд урьдчилсан сонгууль хийх төлөвлөгөөг баталсан байна.Тодруулбал,энэ төлөвлөгөөг батлахыг дэмжих талаар санал хураалт явуулснаар 348 хувийн санал авсан байна. Харин 20 хувь нь батлахаас татгалзжээ. Үүний өмнө энэ парламентын гишүүд сонгуулийн санал хураалтыг арванхоёрдугаар сарын 9-нд хийх, Их Британид бүртгэлтэй Европын холбооны гишүүн орны 16-17 насны иргэдийг сонгуульд оролцуулж сонгуулийн хамрах хүрээг тэлэх зорилгоор Хөдөлмөрийн намаас танилцуулсан нэмэлт засвар оруулсан хувилбарыг батлахаас татгалзсан байжээ. Их Британийн Засгийн газрын хэвлэлийн төлөөлөгч“Парламент Хөдөлмөрийн намаас танилцуулсан хуулийн шинэчилсэн хувилбарыг баталбал энэ нь сонгуулийн хугацааг зургаан сараар хойшлуулна гэж үзэж байгаа Борис Жонсон шинэ сонгуулийг хийхийн тулд бэлдсэн төлөвлөгөөгөө цуцлахыг” анхааруулсан байна. Ингэснээр тэрээр олон сарын турш ялангуяа, парламент Борис Жонсон болон Европын холбоотой хэлэлцсэн шинэ гэрээний хувилбарыг хэлэлцэхээс татгалзсаны дараа урьдчилсан сонгуулийг хийхээр болж байна. Энэ талаар Хөдөлмөрийн намын тэргүүн Жереми Корбин “Энэ сонгууль нь манай орныг шинэчлэн өөрчлөх ганц боломж” гэв. Түүнчлэн Хөдөлмөрийнн нам Их Британид бодит өөрчлөлт авчрах кампанит ажлыг зохион байгуулна” гэж мэдэгдсэн байна. Эх сурвалж: www.polit.mn