“Арсенал“ хожигдож, тавдугаар байртаа үлдлээ

Нүүр

Спорт, эрүүл мэнд

“Арсенал“ хожигдож, тавдугаар байртаа үлдлээ

2019-10-22

Нийтэлсэн: Админ

1 мин

ХУВААЛЦАХ

ЖИРГЭХ

Б.БАЯРЖАВХЛАН Английн премьер лигийн есдүгээр тойргийн үлдсэн ганц тоглолт өнгөрсөн шөнө боллоо. Энэ тойргийн "хөшигийг хааж" доод лигээс гар ирсэн “Шеффилд Юнайтед“ өөрийн талбайдаа “Арсенал“-ыг хүлээж авч, 1:0-ээр буулгаж авлаа. Ингэснээр 12 оноотой болж, есдүгээр байр руу орж ирлээ. Харин “Арсенал“ 15 оноотой хэвээр үлдэж, тавдугаар байраасаа ахисангүй. Хожиж чадсан бол гуравдугаар байр руу ч орох боломж байсан. Тоглолтын 30 дахь минутад Муссе гоол оруулж, багтаа гурван оноо авчирч, “Их буучид“-ыг торголоо. Есөн тойргийн дараах байдлаар “Ливерпүүл“ 25 оноотой хүснэгтийг тэргүүлж, “Сити“ 19-тэй араас нь нэхэж байна. Харин “Лестер“, “Челси“ клубүүд 17 оноотой гурав, дөрөвдүгээр байрт бичигдэж байгаа юм.