Б.НАМУУНТАМИР “Шударга ёс агаар ус” ТББ Ховд аймагт халаалт, цахилгаан дулааны асуудал шийдэгдээгүй нөхцөл байдал хүнд байгаа талаар мөн 21 аймгийн төрийн албан тушаалтнууд ажлаа хийж байгаа эсэхэд хяналт тавих гэж буй талаар “Үндэсний мэдээллийн төв”-д мэдээлэл хийлээ. “Шударга ёс агаар ус” ТББ-ын тэргүүн Б.Дамба “Хөдөө орон нутагт халаасны томилгоо, авилга, хээл хахууль гаарч байна. Мөн хөдөө орон нутгийн засаг, захиргаа, төрийн байгууллагуудад МАНАН бүлгэм амь бөхтэй оршин тогтнож байна.  Энэ талаар орон нутгийн иргэдтэйгээ энэ талаарх санаа бодлыг нь сонсож,дуу хоолойг нь хүргэж  хэрхэн шийдвэрлэх талаар сонгогдсон Засаг дарга, иргэдийн хурлын төлөөлөгчид ямар үйл ажиллагаа явуулж байгаа талаар хяналт тавина. Хууль хяналтын байгууллагын завхрал үүрлэлээ. Энэхүү ажлыг Ховд аймгаасаа эхэлж хийнэ. Ард иргэдийн эрх ашиг хөдөө орон нутагт хамгийн их зөрчигдөж байна. Хууль хяналт, төрийн байгууллага дахь МАНАН бүлгийн гар хөл бологчдыг ор мөргүй цэвэрлэх цаг болсон. Нийгэмд болохгүй байгаа талаар жирийн иргэдтэйгээ нийлж тэмцэнэ гэдгээ илэрхийлж байна” гэсэн юм. Эх сурвалж: www.polit.mn