Америкийн ерөнхийлөгчийн хэлснээр Европ болон бусад улс орон “Украины ашиг сонирхлын төлөө өөрийн хувь нэмрийг хийгээгүй” нөхцөлд АНУ хөрөнгө мөнгө олгохоо зогсоох эрх эдлэх ажээ

АНУ-ын Ерөнхийлөгч Дональд Трамп

© Валерий Шарифулин/ТАСС

  Д.ЭНХЭЭ Украинд санхүүгийн тусламж үзүүлэх асуудлаар гол ачааллыг үүрэхийг АНУ хүсэхгүй байна. Европын холбоо Киевт нэмэлт дэмжлэг үзүүлж эхлэхгүй бол Вашингтон тусламжаа зогсоох эрх эдэлнэ. Энэ тухай НҮБ-ын Ерөнхий Ассамлейн үеэр америкийн ерөнхийлөгч Дональд Трамп сэтгүүлчдэд мягмар гариг  /2019.09.24/-т мэдэгджээ. Долдугаар сард Киевт үзүүлэх цэргийн тусламжийг түр зогсоох үүрэг өгсөн тухай мэдээллийг тайлбарлангаа тэрээр “Мөнгө барьсан тухайд гэвэл бүгдийг төлчихсөн”  хэмээн хариулав. “Европ болон бусад улс орон Украины ашиг сонирхлын төлөө өөрийн хувь нэмрийг оруулах хүртэл би бас дахиад мөнгийг үргэлжлүүлэн барьж саатуулах болно. Яагаад гэвэл тэд үүнийгээ хийхгүй байна” гэж хэлэв. Киевт санхүүгийн тусламжийг юуны түрүүнд АНУ биш Европын холбоо үзүүлэх ёстой хэмээн америкийн лидер онцлов. Зөвхөн Вашингтон ганцаараа мөнгө олгож байгаа нь шударга биш тэрээр үзэж байна. Трампын хэлснээр тэр бүр анхнаас нь үүнд сэтгэл дундуур байсан аж. "Хөрөнгийн гол хэсгийг АНУ гаргаж байна. Яагаад ийм байгаа юм бэ гэж би асууж байна” хэмээн тэрээр нэмж хэлэв. Эх сурвалж: www.polit.mn