Х.ОЮУНБОЛД Бээжингийн төвөөр ирэх сарын 1-нд БНХАУ байгуулагдсаны 70 жилийн ойг тэмдэглэж 15 мянга гаруй цэргийн албан хаагч жагсана гэж  энэ баярын жагсаалыг хариуцаж байгаа  хошууч генерал Цай Чжицзюнь мэдэгдсэн байна. Тэрээр “Энэ жилийн баярын жагсаалд 59 анги нэгтгэлийн 15 мянга гаруй цэрэг, 160 гаруй нисэх онгоц, 580 ширхэг байлдааны техник хэрэгсэл оролцоно” хэмээн өнөөдөр хэлсэн байна. Хошууч генералын ярьснаар энэ үеэр анх удаагаа зарим зэвсгийг  олон нийтэд үзүүлэх аж. Мөн  жагсаалд 97 орны 188 цэрэг оролцоно гэж мэдэгдсэн байна. Гэхдээ “Энэ жил бусад орны төрийн тэргүүн эсвэл цэргийн анги нэгтгэлийн захирагч нарыг уриагүй” гэв. БНХАУ-ын эрх баригчид 1960 онд зэвсэгт хүчний жагсаалын үндэсний өдрийг аравдугаар сарын 1-нд хийх шийдвэр гаргаснаар 10 жилд нэг удаа тэмдэглэдэг болсон байна. Үүний өмнөх жагсаалыг 2009 онд Бээжингийн Тянь Ань Мэнийн талбайд тэмдэглэжээ. Мөн 2015  онд Японы цэргийг ялсаны 70 жилийн ойд зориулсан цэргийн том жагсаалыг хийсэн байна. Эх сурвалж www.polit.mn