Б.БАЯРЖАВХЛАН Дүнжингарав худалдааны төвийн түрээслэгчдийн холбооноос Түрээсийн төлбөр нэмэгдсэнтэй холбоотойгоор ТУЗ-ийн гишүүд болон Хотын захиргаанд хандаж мэдээлэл хийлээ. Тус захын нэг ам.метр талбайг 82500 төгрөгөөр түрээсэлж байсан бол 167-200 мянган төгрөг болгож нэмэгдүүлэхээр болсон учир түрээслэгчид эсэргүүцлээ илэрхийлж буй юм. Энэ талаар дүнжингарав худалдааны төвийг түрээслэгч Ж.Сүхбат “Дүнжингарав худалдааны төвийн ТУЗ-ын дарга нараас 450 мянга байсан түрээсийн төлбөр 995 мянган төгрөг болсон гэсэн гэрээг ирүүлсэн. Шууд гэрээ байгуулбал 995 мянга харин энэ сарын 25-аас ирэх сарын тавны дотор гэрээ байгуулбал нэг сая 200 мянган төгрөг, энэ хугацаанаас хойш гэрээ байгуулбал нэг сая 500 мянган төгрөг гэж заасан байсан.Мөн цаашид үйл ажиллагаагаа явуулах хүмүүс шинээр гэрээ байгуул гэсэн юм. Ийм шахаж тулгасан, албадан гаргах үйл ажиллагааг хийж байна. Энэ тал дээр Ерөнхий сайд У.Хүрэлсүхийг анхаарна уу гэж хүсмээр байна. Та дарамт шахалт, заналхийлэл ирж байгаа бол та бүхэн төрийн хамгаалалтад байгаа шүү. Төр томилсон хүнээ хамгаалах эрхтэй. Бид бизнесийн салбарын шарилжыг зулгаах гэж ирснээс зүлгийг нь зулгаах гэж ирээгүй. Хэрэв баялаг бүтээж буй иргэний бизнесийг ханаж цадталаа баяжсан олигархууд булааж байгаа бол төр тэмцэнэ гэж мэдэгдэж байсан. Тэгвэл төр үндсэн үүргээ биелүүлж иргэдийнхээ дуу хоолойг сонсооч гэж хүсмээр байна” гэсэн юм. Эх сурвалж: www.polit.mn