Т.САЙХАН Нийслэлийн Засаг дарга С.Амарсайхан өнгөрсөн баасан гаригт шуурхай хуралдаан зарлаж, зарим албан тушаалтныг үүрэгт ажлаас нь чөлөөлсөн байна.   Тухайлбал өвөлжилтийн бэлтгэл ажлыг хангах, айл өрх бүрт сайжруулсан шахмал түлшийг түгээх, борлуулах, мэдээлэл зөвлөмжөөр хангах ажлыг удаа дараа хангалтгүй ажилласан хэмээн Агаарын бохирдлыг бууруулах газрын даргаар Б.Цацралыг, хүйтний улирлаас өмнө зам, дэд бүтцийн бүтээн байгуулалтын ажлыг төлөвлөсөн хугацаанд хийж чадахгүй байгаа, салбарын ажилдаа хангалттай хэмжээнд хяналт тавьж ажиллаж чадахгүй байгаа Авто замын хөгжлийн газрын дарга Ж.Тогтохбаярыг нар чөлөөлжээ. "Цаашид ажил хариуцсан албан тушаалтнууд цаг хугацаатай уралдаж хийгдэж байгаа төсөл хөтөлбөрүүдэд онцгой анхаарч, хяналтаа тавьж ажилла” гээд холбогдох албан тушаалтнуудыг хариуцсан ажлаа төлөвлөсөн хугацаанд хариуцлагатай хийж хэрэгжүүлэхийг хатуу анхааруулж, цаашид эрхэлсэн ажилдаа хариуцлага алдсан албан тушаалтнуудтай үргэлжлүүлэн хариуцлага тооцож ажиллахаа мэдэгдлээ. Эх сурвалж:www.polit.mn