Х.ОЮУНБОЛД Энэтхэгийн хөвөн их үйлдвэрлэдэг Телангана мужид боолчлол, насанд хүрээгүй хүүхдийг ажиллуулж байгааг илрүүлж, асуудлыг шийдвэрлэхийн тулд энэ үйлдвэрлэлийн бүх салбарыг НҮБ-ын хөдөлмөрийн олон улсын байгууллагатай хамтран шалгаж эхлэхээр болсон байна. Мөн өнгөрсөн долоо хоногт хөвөнгийн наймааны бүх шат дамжлагад ялангуяа, албадан хөдөлмөр эрхлүүлж, бага насны хүүхдүүдийг ажиллуулж байгааг батлах зорилгоор гурван жилийн өмнөөс боловсруулсан төслийг эхлүүлээд байгаа юм байна. Энэ гэмт хэрэгтэй тэмцдэг агентлагийн захирал Эслават Гангадхар “Хөдөө аж ахуйн салбарт саяхан хийсэн судалгаагаар насанд хүрээгүй хүүхдийг ажиллуулж байгааг нотолсон 80 гаруй хувийн тохиолдол байна” гэв. Харин энэ салбар дахь мэргэжилтнүүд хөвөнгийн үйлдвэрлэлийн бүх дамжлага нь үр тариа, тариалалт, хөвөн хурааж авах, тээвэрлэх, цэвэрлэх гэсэн олон шат дамжлагатай учраас шалгахад их хэцүү салбарын нэг гэж мэдэгдсэн байна.Тухайлбал, энэ талаар судалгааны ажил явуулдаг “Glocal Research” байгууллагын 2014 онд хийсэн судалгаар 2010 онтой харьцуулахад хоёр дахин их 14-өөс доош насны 200 мянга гаруй хүүхэд хөвөнгийн үр тариалдаг хүлэмжинд ажиллаж байгааг нотолжээ. Эх сурвалж: www.polit.mn