Т.САЙХАН АНУ-ын Батлан хамгаалахын сайд Марк Эспер өнөөдөр /08.08/ манай улсад айлчилж байна. Тэрээр Батлан хамгаалахын сайд Н.Энхболдтой уулзалт хийнэ. Дараа нь  Ерөнхийлөгч Х.Баттулгад бараалхана. Марк Эспер нь өнгөрсөн долоо хоногт АНУ-ын Батлан хамгаалахын сайдаар томилогдсон  бөгөөд анхны айлчлалаа Азийн орнуудаас эхлэж байна.  Пентагоны тэргүүний Япон, Австрали, Шинэ Зеландад айлчилсан бол  манайд айлчилсны дараагаас Өмнөд Солонгос улсад айлчлал нь үргэлжлэх  юм. Ази, Номхон далайн бүс нутагт Хятадын өсөн нэмэгдэж байгаа хүчийг хязгаарлах зорилгоор холбоотон улсуудтай яриа хэлэлцээр хийх зорилготой юм байна.  Мөн Умард Солонгос, Ираны асуудлууд түүний ярилцах сэдэвт багтжээ.  Марк Эспер нь 55 настай.  Баруун Ронитын цэргийн сургууль төгссөн бөгөөд Персийн булангийн дайнд оролцож байв. АНУ-ын армийн аж үйлдвэрийн "Raytheon" компанийн Засгийн газрын салбарыг хариуцаж байсан.  2017 оны арваннэгдүгээр сараас АНУ-ын Хуурайн замын цэргийн сайдаар ажиллаж байсан юм. Эх сурвалж:www.polit.mn