Ө.Түмэндарь Үндэсний Аюулгүй Байдлыг Хөгжүүлэх Судалгааны төв өнөөдөр /07.19/ мэдээлэл хийлээ.  Тэд үндсэн хуульд нэмэлт өөрчлөлт хийхийг зогсоохыг шаардаж буйгаа илэрхийлэв.   Тус төвийнхний судалгаагаар бол “УИХ-ын Төсвийн Байнгын Хорооны хурал дээр Ц.Даваасүрэн гишүүний санаачлан оруулсан “Стратегийн ордуудын 51-с доошгүй хувь нь ард түмний мэдэлд байна” гэсэн заалт дэмжигдээгүй унасан нь 1992 оноос эхэлсэн Үндсэн хуулийн удаа дараагийн өөрчлөлт хийх гэсэн санаархал Монгол Улсын баялагт эзэн суух гэсэн нэг захиалагчтай байна гэдэгтэй салшгүй холбоотой юм” гэдгийг дурдлаа. Үүнийг баримт гэж үзээд төрийн эрхийг хэмжээгүйгээр авах, газар болон газрын доорх баялгийг авах гэсэн оролдлогууд бол нэг захиалагчийнх. Энэ захиалагч зорилгоо гүйцэлдүүлэхийн тулд Монгол улсын төрд байнга дарамт шахалт үзүүлж, өөрсдийн гар хөл болсон сэтгэлгүй, итгэлгүй нэгнийг тухай бүрд нь ашиглаж ирсэн гэв. “Төрөөс байгалийн баялгийн ашиглахдаа тэгш байдал, шударга ёс, эдийн засгийн аюулгүй байдал, тогтвортой хөгжлийг хангах зарчмыг баримтална” гэсэн энэ заалт нь үндсэн хуулийн 6,1дэх заалттайгаа зөрчилдөж 29 жил хийсэн уул уурхайн луйвраа хуулийн дагуу байсан мэтээр харагдуулж байна” хэмээн хэд хэдэн үндэслэл дэлгэн тайлбарласан юм. Энэ сарын есөнд Үндэсний Аюулгүй Байдлыг Хөгжүүлэх Судалгааны төв өөрсдийнхөө боловсруулсан үндсэн хуулийн төслөө Монгол улсын ерөнхийлөгч Х.Баттулга-д өгсөн байна.  Мөн тэд хурлын төгсгөлд  УИХ-ын гишүүн ажлын хэсгийн ахлагч Д.Лүндээжанцанг халз мэтгэлцээнд дуудав. Эх сурвалж: www.polit.mn