Т.САЙХАН Монгол Улсын Ерөнхий сайд асан  М.Энхсайхан,  С.Баяр нарыг уул уурхайн томоохон төслүүдтэй холбоотойгоор хуулийн байгууллагаас шалгаж байгаа билээ.  Өнгөрсөн хугацаанд С.Баярыг 60 хоног,  М.Энхсайханыг  24 цаг саатуулж байсан.  Тэгвэл  шалгагдаж буй сайд нар өөрсдийн хэмжээнд нийгэмд  дуу хоолойгоо хүргэж эхэллээ.  Ерөнхий сайд  М.Энхсайхан өчигдөр /07.03/ "Олон түмэн яагаад эдийн засгийн буруу бодлого сонгодог вэ” сэдэвт лекцийг  хүргэлээ. Тэрээр Би хувь тохиолоор Монголын анхны ардчилсан Засгийн газрыг  тэргүүлсэн. Миний дараа Ц.Элбэгдож, Ж.Наранцацралт,  Р.Амаржаргал нар Ерөнхий сайдаар ажилласан. 1996-2000 оны хооронд Монгол маш чухал үйл явдал болж өнгөрсөн нь зах зээлийн эдийн засагт шилжсэн. Ардчилагчдын тэмцлийн гол зэвсэг нь эдийн засаг байсан юм. Шинэ хуучны зөрчил одоо ч гэсэн байна. Энэ цаг үед шүүх, хууль хяналтын байгууллага итгэл үнэмшилтэй, улс төрөөс хараат бусаар ажиллах ёстой” гэсэн санааг лекцээрээ хүргэв. Харин  Ерөнхий сайд асан С.Баяр ШШГЕГ-ын харьяа Цагдан хорих 461 дүгээр ангид хэрхэн "хүмүүжиж" байсан талаараа "Жаран хоног, "Жаран"-ы бутархай" хэмээх ном гаргажээ. Тэрээр өөрийн дурсамж номынхоо нээлтийг ирэх баасан гаригт хийх бөгөөд шинэхэн номоо нийтлэлч Б.Баабарын “Непко” хэвлэлийн газарт хэвлүүлжээ.  Ерөнхий сайд асан С.Баяр эрхзүйч хүнийхээ хувьд хууль, шүүхийн байгууллагыг хэрхэн ажилладаг тухай бичсэн нь сонирхлыг татаж байна. Эх сурвалж:www.polit.mn