Д.ЭНХЭЭ Улсын дугаарыг бохирдуулсан, эсвэл цаас нааж нуусан жолооч нарын эрхийг хасах, эсвэл тав хүртэл мянган рублээр торгож болох ажээ. ОХУ-ын дээд шүүх доод шатны шүүхүүдэд зориулж бүгд хурлын тогтоол гаргажээ хэмээн “Коммерсант” мэдээлсэн байна. Жолооч нарыг дээд хэмжээгээр шийтгэхийн тулд авто сонирхогчид үүнийг санаатай үйлдсэн гэдгийг улсын тээврийн байцаагч нар шүүхийн журмаар нотлох шаардлагатай юм байна. Тухайлбал, цэвэрхэн боловч улсын дугаарыг нь бохирдуулсан машины гэрэл зургийг танилцуулах хэрэгтэй гэнэ. Авто сонирхогч тохиолдлоор улсын дугаарыг бохирдуулсан бол тэрээр торгууль хүлээнэ. Харин зориулалтын бус гэрлийн чийдэн суурилуулсан бол ногдох торгуулийг багасгажээ. Урьд нь ийм зөрчил үйлдсэн бол жолоодох эрхийг хасч болох байсан бол одоо 500 хүртэл рублийн торгууль ногдуулна. Тайлбар баримт бичиг албан ёсоор нийтлэгдсэн цагаас эхлэн шүүхүүд жолооч нарыг шийтгэх ажээ. Эх сурвалж: KP.RU