Ж.ЦОГЗОЛМАА Amazon компанийн гүйцэтгэх захирал Жефф Безосын хөрөнгө хууль хяналтын байгууллагаас тус компанийн эсрэг үүсгэсэн монополийн эсрэг мараааны улмаас 6.5 тэрбум ам.доллар болж буурсан тухай "Forbes" сэтгүүл мэдээлэв. Энэ долоо хоногийн эхний өдөр Засгийн газраас технологийн хагийн том компаниудад монополийн эсрэг маргаан үүсгэж, зах зээлийн дийлэнхийг хамарч байгаа бизнесээ буруу аргаар ашигласан хэмээн буруутгасан билээ. Энэ мэдээлэл тарсны дараа Google, Facebook, Amazon зэрэг компанийн үүсгэн байгуулагчдын хөрөнгө нийтдээ 16 тэрбум ам.доллар аар буурч багассан байна. Google-ийн үүсгэн байгуулагч Сергей Брин болон Ларри Пэйж нар 2.7-6.7 тэрбум ам.доллараар "ядуурчээ". Бриний нийи хөрөнгө одоо 45.6 тэрбум ам.доллар байгаа бол  Пэйжийн бэл бэнчин 48.4 тэрбум ам.доллараар "Forbes"-ийн тэрбумтнуудын жагсаалтад бичигдсэн байна. Facebook-ийн ерөнхийлөгч Марк Цукербергийн хөрөнгө 4.8 тэрбумаар багассан бөгөөд одоогийн байдлаар түүний "хэтэвч" 61.2 тэрбум ам.доллар байгаа юм. Тэгвэл Amazon-ий үүсгэн байгуулагч бөгөөд гүйцэтгэх захирал Жефф Безос хамгийн их буюу 6.5 тэрбум ам.долларын алдагдал хүлээжээ. Гэсэн ч тэрээр одоо ч дэлхийн хагийн баян хүн хэвээр бөгөөд нийт баялгийнх нь хэмжээ 139.8 тэрбум ам.доллар байгааг "Forbes"-ийн жагсаалтаас харж болно. Чухам юу болсон бэ? Өнгөрсөн даваа гаригт Холбооны худалдааны хороо болон Хууль зүйн яамнаас дээрх технологийн компаниудыг монополийн эсрэг хуулийг зөрчсөн хэмээн буруутгаад шүүн хэлэлцэх хэрэг нээх гэж буй тухай хэд хэдэн хэвлэлд мэдээлсэн юм. Энэ мэдээллийн дараа технологийн компаниудын хувьцааны ханш огцом унасан билээ. Эх сурвалж: www.polit.mn