С.САРУУЛ Засгийн газрын өнөөдрийн /2019.06.05/ хуралдаанаар түрээсийн орон сууцны талаар авах арга хэмжээг баталжээ.  Энэ талаар БХБ-ын сайд Х.Баделхан мэдээлэл хийлээ. Тэрээр “Төрийн санхүүжилтээр барьсан 1542 айлын орон сууц Улаанбатар хот, Хөвсгөл, Орхон, Говь-Алтай аймагт 95-100 хувь ашиглалтад ороод байгаа бөгөөд тэдгээр орон сууцнуудыг түрээслүүлэхээс болсон байна. Засгийн газар энэ оны дөрөвдүгээр сарын 10-нд 138-р тогтоолоор түрээслэж байгаад дараа нь өмчилж болох журам баталсан. Найман хувийн зээлэнд хамрагдах боломжтой 37 мянган айл өрх байгаа нь түрээслээд дараа нь 30 хувиа бүрдүүлэх үедээ өмчилж авах 77 мянган айл өрхийн болон цаашид нэмэгдэх эрэлтийг шат дараатай хангах орон сууцжуулах бодлогыг Засгийн газар баримталж байна. "Улаанбаатарт 972, Орхон, Хөвсгөл, Говь-Алтай аймгуудад 570 айлын орон сууц буюу нийт 1,542 айлын орон сууц байсныг Хөгжлийн банкны зээлээр барьж дуусгаж байна.   Буян-Ухаад 972 айлын орон сууц ашиглалтад орж байгаа. Эдгээр барилгыг түрээслэх шийдвэр Засийн газраас гаргалаа. Нийслэлд баригдсан 972 айлын орон сууцыг Улаанбаатар хотын захиргаанд шилжүүлнэ. Хотын захиргаа иргэдэд ямар журмаар, яаж түрээслэхээ шийднэ.  Нийтдээ таван жилийн хугацаанд түрээслээд цаашдаа өмчилж болно гэж Засгийн газраас үзсэн" гэлээ. Эх сурвалж: www.polit.mn