Ж.ЦОГЗОЛМАА АНУ-ын Засгийн газар  Amazon, Apple, Facebook and Google зэрэг компанийг зах зээлд дангаар ноёрхож буй эрх мэдлээ урвуулан ашигласан хэмээн мөрдөн байцаалт явуулахаар болсон талаар "Ройтерс" агентлаг мэдээлэв. Энэхүү мөрдлөгөө ойр эх сурвалжийн дамжуулснаар Холбооны худалдааны хороо болон Хууль зүйн яам хамтран монополийн эсрэг хуулийг хэрэгжүүлэх хүрээнд эдгээр компанийг хоёр хэсэгт хуваан шалгаж байгаа аж. Amazon болон Facebook компанийг Холбооны худалдааны хороо хяналтандаа авсан бол Google, Apple компанид Хууль зүйн яам байцаалтаа явуулахаар болжээ. Холбооны дээрх хоёр хороо албан ёсны мөрдөн байцаалтыг нээхийг хүсвэл дараагийн алхам нь шүүх эрх мэдэл хэрэгжих явдал байх нь. Гэвч үр дүн нь тийм ч хурдан гарахгүй гэдэг нь тодорхой байна. Өмнө нь Холбооны худалдааны хорооноос Google-ийн эсрэг үүсгэсэн хуулийн маргаан хоёр жил илүүтэй үргэлжилсэн түүхтэй билээ. Технологийн компаниуд зөвхөн АНУ гэлтгүй дэлхий даяар өрсөлдөгчид, хууль тогтоогчид болон хэрэглэгчдийн группүүдээр дамжин орж ирж буй асах их дайсагналтай нүүр тулж байна. Энэ мэдээллийн дараа. " Facebook Inc Shares" компанийн хувьцааны ханш 7.5, Google-ийг эзэмшигч Alphabet Inc компанийн хувьцааны ханш зургаан хувиар унажээ. Тэгвэл Amazon.com-ийн хувьцаа 4.6 хувиар суларсан бол Apple Inc-ийнх нэг хувиар буурсан байна. Одоогоор Холбооны хоёр агентлаг мөрдөн байцаалтын талаар мэдээлэл өгөөгүй байна.АНУ-ын Ерөнхийлөгч Д.Трамп нийгмийн сүлжээний компаниуд тухайлбал Google-ийг ямар нэг баримтгүйгээр уламжлалт дуу хоолойг хааж байна хэмээн буруутгаж байсан билээ. Мөн тэрээр Amazon-ийг АНУ-ын шүү дэнгийн үйлчилгээний давуу талыг ашиглаж байна хэмээн бас л баримт нотолгоогүйгээр хэд хэдэн удаа шүүмжилж байв. Трампыг үргэлж шахам шүүмжилж байдаг Вашингтон пост сониныг өөрийн болгосон Amazon-ы гүйцэтгэх захирал Жефф Безосыг ч Цагаан ордны тэргүүн шүүмжлэх дуртай билээ. Эх сурвалж: www.polit.mn