С.САРУУЛ МСНЭ-ийн ерөнхийлөгч Х.Мандахбаяр албан тушаалаасаа түдгэлзэх хүсэлт гаргаж байгаагаа мэдэгдлээ. Тэрээр "Тост Тосонбумбын нурууны ордод хууль бусаар олборлолттой холбоотой асуудалд 2017 оноос хойш би анхаарал хандуулж ирсэн.  Түүнээс МСНЭ-ийн Ерөнхийлөгч гэдэг албан тушаалын үүднээс хандаагүй.  Үүнээс гадна намайг болон гэр бүл, найз нөхдийг минь гүтгэн харлуулах ажил хийгдэж байгаа. Дайралт заналхийлэл хэрээс хэтэрсэн. Би дахиад хэлье. Надад бизнесийн болон улс төрийн эрх ашиг байхгүй. Хоёрдугаарт, би хотын даргыг ямар нэгэн байдлаар шантаажлаагүй. 400 сая төгрөг нэхээгүй. Энэ хүн намайг хэвлэл мэдээллийн хэрэгслээр эрээ цээргүйгээр гүтгэсэн. Би хотын дарга С.Амарсайхантай олон жилийн өмнөөс танилцаж, найз нөхрийн холбоотой гэж итгэж, нөхөрлөж явсан үе ч бий. Итгэж үнэмшиж ирсэн хэвлэлийн эрх чөлөө рүү дайрч байгаа учраас би өнөөдрөөс албан тушаалаасаа түдгэлзэх өргөдлөө Удирдах зөвлөлд өгнө” гэв. Эх сурвалж: www.polit.mn