Б.ТУУЛ
Улаанбаатар хотоос 1500 гаруй км-ийн зайд алслагдсан бүс нутагт амьдардаг Ховд аймгийн иргэдийн хувьд ажил хэргийн болон хувийн шалтгаанаар Улаанбаатар хот руу агаарын хөлгөөр зорчих хэрэгцээ шаардлага их гардаг. Үүнээс шалтгаалан нислэгийн хүртээмж хангалтгүй байдаг талаар иргэд үйлчлүүлэгчид гомдоллодог. Тиймээс “Хүннү Эйр” компани орон нутгийн чиглэлд нислэг үйлдэх “Embraer-190” маркын агаарын хөлгийг Монгол Улсын Иргэний нисэхийн салбарт шинээр нэвтрүүлэн, ашиглаж эхэлжээ.
Амралтын өдрүүдэд тус онгоц орон нутгийн чиглэлийн туршилтын нислэг үйлдэж, Ховд аймагт газардсан байна. Тус хөлөг энэ зуны турш Ховдын чиглэлд нислэг үйлдэх юм байна.
Эх сурвалж: www.polit.mn