С.САРУУЛ Олон улсын хүүхдийн эрхийг хамгаалах өдөртэй холбогдуулан бага насны хүүхдэд тавих хараа хяналтаа сайжруулахыг хууль хяналтын байгууллагууд анхаарууллаа. Нөгөөдөр буюу зургадураар сарын 01-ний өдөр  Улаанбаатар хот орчимд өдөртөө 23 хэмийн дулаан үүлэрхэг, шөнөдөө дөрвөн хэмийн дулаан бороо шивэрнэ гэдгийг Ус цаг уур орчны шинжилгээний газраас мэдээллээ. Харин нийслэлийн Онцгой байдлын газраас Сүхбаатарын талбай, Үндэсний соёл амралтын хүрээлэн /хүүхдийн парк/, Цэцэрлэгт хүрээлэн гэсэн газруудад хамгаалалтын үүрэг гүйцэтгэж ажиллах юм байна. Баярын өдрүүдэд иргэд  ногоон бүсэд аялаж зугаалж яваа тохиолдолд ил гал гаргахгүй, гал түймрийн аюулаас урьдчилан сэргийлэх, Бага насны хүүхдийг гэртээ болон гудамж талбайд хараа хяналтгүйгээр ганцааранг нь орхихгүй байх, Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, пиротехник /салют/ хэрэгсэл хэрэглэхгүй байхыг нийслэлийн Онцгрй байдлын газраас анхааруулж байна. Эх сурвалж: www.polit.mn