Ч.ЗОТОЛ Сонирхогчдын боксын Азийн аварга шалгаруулах тэмцээн  Тайланд улсын нийслэл Бангкок хотноо энэ  сарын 16-27-ны хооронд зохион байгуулагдах гэж байна. Энэ удаагийн тэмцээний нэг онцлог нь эрэгтэй, эмэгтэй боксчид Бангкок хотноо хамтдаа аваргаа шалгаруулахаар болжээ. Манай улсаас Боксын үндэсний эрэгтэй, эмэгтэй шигшээ баг бүрэн бүрэлдхүүнээрээ  оролцохоор  Хандгайтын спорт цогцолборт Монгол Улсын гавьяат дасгалжуулагч Д. Батсүрэн болон Б.Пүрэв-Очир, О.Батхүү, М.Буянжаргал нарын удирдлагад бэлтгэлээ базааж байна. Азийн аварга шалгаруулах тэмцээний эрэгтэйчүүдийн 49 кг-ын жинд Д.Мөнх-Эрдэнэ, 52 кг-ын жинд Х.Энхмандах, 57 кг-ын жинд Х.Энх-Амар, 60 кг-ын жинд Азийн наадмын аварга Э.Цэндбаатар, 63 кг-ын жинд Армийн дэлхийн аварга Б.Чинзориг, 69 кг-ын жинд Г.Баярхүү, 75-кг-ын жинд Д.Давааням, 81 кг-ын жинд Н.Шинэбаяр, 91 кг-ын С.Эрдэнэбаяр Эмэгтэйчүүдийн 48 кг-ын жинд Б.Мөнгөнсаран, 51 кг-ын жинд Л.Алтанцэцэг, 54 кг-ын жинд Дэлхийн аваргын хүрэл медальт М.Нандинцэцэг, 57 кг-ын жинд Азийн аварга Т.Болортуул, 60 кг-ын жинд М.Намуун, 64 кг-ын жинд У.Шинэцэцэг, 69 кг-ын жинд Э.Эрдэнэтуяа, 75 кг-ын жинд М.Мягмаржаргал, +81 кг-ын жинд Э.Ундрам нар хурд хүч,  авхаалж самбаагаа сорино. Мөн багийн бүрэлдэхүүнд Э.Энхбаяр, Ш.Өсөхбаяр нар эмчээр ажиллана  Азийн АШТ -д манай баг тамирчид нийтдээ 10 орчим медаль хүртэх зорилготой байгаа бөгөөд энэ сарын 16-нд Тайланд улсыг зорих юм байна. Эх сурвалж: www.polit.mn