Б.НАМУУНТАМИР Монголын эрүүл мэндийн ажилтны  үйлдвэрчний эвлэлийн холбоо, Эрүүл мэндийн яам хамтран зохион байгуулагддаг шилдэг эмч шалгаруулах  “Алтан чагнуур – 2019” ёслолын арга хэмжээ 9 дэх жилдээ гуравдугаар сарын 31- ний өдөр амжилттай зохион байгуулагдлаа. Уг арга хэмжээнд  хот хөдөөгийн  50 гаруй нарийн мэргэжлийн эмч нар  12 нэр төрөлд нэр дэвшсэн юм.  Энэ шагнал нь эрүүл мэндийн салбарт өөрийн мэдлэг, ур чадвараа дайчлан, эрүүлийг хамгаалах үйлсэд зүтгэдэг эмч нарыг бодитой үнэлэх нэр хүндтэй шагнал юм.  МЭМАҮЭХ- ны дарга Б.Мягмар:  Манай холбооноос зохион байгуулдаг энэ арга хэмжээ нь алтан гартай эмч нарынхаа хөдөлмөрийг бодитой үнэлүүлэх, чадварлаг эмч нараа олон нийтэд таниулах зорилгоор анх зохион байгуулж байсан. Өнөөдөр эмч нар  маань хэдий хүнд нөхцөлд, ачаалалтай ажилладаг ч эзэмшсэн мэргэжилдээ үнэнч байдагт нь бахархаж байна. Монголчуудын эрүүл мэндийг хариуцдаг эмч нарынхаа хөдөлмөрийг бодитоор үнэлүүлж цалинг нь 3 сая хүргэх, мөн иргэд маань очер дараалалгүй эмнэлгээр үйлчлүүлдэг болохын тулд эрүүл мэндийн салбарт зарцуулах зардлыг ДЭМБ- ийн стандартад нийцүүлэх хэрэгтэй байна гэлээ. Эх сурвалж: www.polit.mn