Э.МАНД Төрийн албан хаагчдаас анх удаа эрүүл мэндийн ажилтнуудын дунд ажлын байрны үнэлгээг хийж, үнэлгээний үр дүнд үндэслэн цалинг нь нэмжээ. Тэдний ажлын байрыг ур чадвар, хариуцлага, ажлын ачаалал, хөдөлмөр эрхлэлтийн нөхцөл гэсэн дөрвөн зүйлийн дагуу үнэлсэн бөгөөд үр дүнд нь Эрүүл мэндийн салбарын төрийн үйлчилгээний албан тушаалын зэрэглэл, цалингийн сүлжээг шинэчилсэн байна. Шинэчилсэн албан тушаалын зэрэглэл, цалингийн сүлжээний дагуу мэргэшсэн эмч нар 2-3 зэрэглэл ахиж, эрчимт эмчилгээ, мэс засал, яаралтай тусламж, эх барих, эмэгтэйчүүдийн зэрэг найм, мэргэшлийн эмч ТҮЭМ-7 ангилалд хамааран цалинжихаар болжээ. Мөн бүх ажилтны цалин 21.3-47.1 хувиар буюу 122-270 мянган төгрөгөөр нэмэгдэж байгаа аж. Түүнчлэн өмнө нь төрийн байгууллагын хэвийн үйл ажиллагааг хангахад туслах албан тушаалд хамаардаг байсан түргэн тусламжийн жолооч нар салбарынхаа албан тушаалын зэрэглэлд буюу ТҮЭМ-д хамаарах болсон байна. Эх сурвалж: www.polit.mn