Өнөөдөр олон улсын эмч нарын өдөр тохиож байна

2024-03-30
Нийтэлсэн: Админ
 6 мин унших

Р.ОЮУН

Жил бүрийн гуравдугаар сарын 30-нд олон улсын эмч нарын өдөр тохиодог билээ. Манай улс энэ өдрийг эрүүл мэндий салбарыг хөгжүүлэх, хүн ардынхаа эрүүл мэндийг сахин хамгаалах үйлсэд үр бүтээлтэй ажиллаж, онцгой амжилт гаргасан эмч нарыг алдаршуулах, эмчийн хөдөлмөрийн үнэлэмжийг дээшлүүлэх, эмчилгээ, оношилгоо, үйлчилгээний ажлын шилдэг арга туршлагыг олон нийтэд сурталчлах, дэлгэрүүлэн таниулах зорилготой олон үйл ажиллагааг зохион байгуулж тэмдэглэдэг. Өнгөрсөн жилээс эхлэн Засгийн газар, ЭМЯ-наас энэ өдрийг эмч нараар бахархах, тэднийг дэмжих, тулгамдсан асуудлыг нь шийдэх гарц шийдлийг хамтдаа эрэлхийлэх ажил хэрэгч байдлаар тэмдэглэж байх санаачилга гаргасан. Энэ жилийн олон улсын эмч нарын өдрийг Монгол Улс "Эмч танаараа бахархъя" арга хэмжээг зохион байгуулж 2500 эмчийг хамруулжээ. Арга хэмжээнд Монгол Улсын Шадар сайд С.Амарсайхан, УИХ-ын дэд дарга Л.Мөнхбаатар, ДЭМБ-ын Монгол дахь суурин төлөөлөгч Др.Сокорро Эскаланте болон УИХ-ын гишүүд оролцлоо. Мөн энэ үеэр УИХ-аар баталсан Нийгмийн эрүүл мэндийн тусламж үйлчилгээний тухай анхдагч хуулийг гардуулах ёслол боллоо.

"Эмч танаараа бахархъя" хүндэтгэлийн арга хэмжээг Эрүүл мэндийн сайд С.Чинзориг нээлээ. Тэрбээр "Монгол Улсын бүх шатны эрүүл мэндийн байгууллагад ажиллаж, хүн ардынхаа эрүүл энхийн манаанд цаг наргүй зүтгэж буй анагаах эрдэм мэдлэг, авьяас, туршлага хосолсон эмч нарт Олон улсын эмч нарын мэндийг дэвшүүлье. Эмч нарын нийгэм, хувь хүний амьдралд оруулсан хувь нэмрийг дэлхий нийт, улс орон, гэр бүл, хувь хүн бүгд хүлээн зөвшөөрдөг. Бүх улс эрүүл мэндийн салбарынхныг хөдөлмөр зүтгэл, эмчийн нинжин сэтгэл, мэргэжлийн ур чадварыг өндрөөр үнэлдэг гэдэгт итгэлтэй байдаг. Эрүүл мэндийн салбар бол дэлхийн хамгийн чухал салбаруудын нэг. Анагаах ухаанд үргэлж ахиц дэвшил гарч, эмч нар өдөр бүр янз бүрийн эмгэгтэй нүүр тулж, оношилж, эмчилж, зөвлөж байна. Өвчин эмгэг хэлж ирдэггүй, хийсч ирдэг. Энэ үед эмч хүн л амь насыг аврахад үргэлж бэлэн байдалд байдаг. Манай улсын эмч нар дэлхийн анагаах ухааны орчин үеийн шилдэг технологи, хиймэл оюун ухаанд суурилсан эмнэлгийн тусламж үйлчилгээг нэвтрүүлэн нутагшуулж, монгол хүн эх орондоо олон улсын жишигт хүрсэн оношилгоо, эмчилгээ хийлгэх боломж нэмэгдсээр байна. Монгол Улсын хүн ам 1921 онд 650 мянга байсан бол одоо 3.6 сая болж, хүн амын өсөлт эрчимтэй явагдаж, дундаж наслалт 40-70 хүртэл нэмэгдсэн нь хүн амын эрүүл мэндэд төрөөс онцгой анхаарч ирсэнтэй холбоотой юм. Эрүүл мэндийн салбарын төсөв, хүний нөөц жилээс жилд нэмэгдэж, оношилгоо, эмчилгээний шинэ техник, технологиуд нэвтэрч, тоног төхөөрөмжийн хангалт эрс сайжирсан. Улсын хэмжээнд 4500 гаруй эрүүл мэндийн байгууллага үйл ажиллагаа явуулж, 14 мянган их эмч, нийт 56 мянган эрүүл мэндийн ажилтнууд хүн амын эрүүл мэндийн төлөө зүтгэж байна.

Олон улсын эмч нарын өдрийн өмнөхөн Эрүүл мэндийн сайд миний бие Улсын гуравдугаар төв эмнэлэг, Гэмтэл согог судлалын үндэсний төв, хөдөө орон нутагт ажиллаж эмч, эмнэлгийн мэргэжилтний болон эмнэлгийн үйл ажиллагаанд тулгарч буй хүндрэл, бэрхшээл, эмнэлгийн тусламж үйлчилгээний чанарын баталгаажилтыг хангуулах талаар санал солилцсон бөгөөд дэмжих, үйл ажиллагааг жигдрүүлэх талаар холбогдох шийдвэрүүдийг гаргасан билээ. Эрхэм хүндэт эмч нараа, Эрүүл монгол хүн эх орноо хөгжүүлнэ, эрүүл Монгол Улсыг  цогцлоон хөгжүүлэх эрхэм үүрэг эмч та бүхэнд байна. Хүнлэг энэрэнгүй, ёс суртахуунтай, мэргэжлийн өндөр ур чадвартай эмч бол Монгол Улсын хөгжлийн нэг чухал тулгуур юм. Тиймээс эмч хүн эмчийн ёс зүй, төрийн хуулийг чандлан сахиж, эрдэнэт хүний амь нас, эрүүл мэндийн төлөө эрдэм чадал, энэрэх сэтгэлээ харамгүй зориулахаа тангарагладаг. Нийт эмч нартаа дахин Олон улсын эмч нарын өдрийн мэндийг хүргэж, эрүүл энх, аз жаргал, амжил бүтээлийн дээдийг хүсэн ерөөж, эрдэнэт хүмүүний эрүүл мэндийг хамгаалах ариун үйлс, нөр их хөдөлмөрт тань улам их амжилт хүсье" гэлээ. 

 

Олон улсын эмч нарын өдрийг тохиолдуулан ДЭМБ-ын Монгол дахь суурин төлөөлөгч Др.Сокорро Эскаланте хүрэлцэн ирсэн эмч нарт мэндчилгээ дэвшүүллээ.

"Эмч танаараа бахархъя" арга хэмжээ зөвхөн баяр биш. Энэ өдөр эмч нар салбарынхаа тухай яриа өрнүүлж, хийж хэрэгжүүлж буй ажлуудынхаа талаар мэдээлэл сонсож, тулгамдсан асуудлаараа санал бодлоо чөлөөтэй солилцох юм. Тиймээс үндсэн илтгэлийг Эрүүл мэндийн сайд С.Чинзориг "Шинэ сэргэлтийн бодлого-эрүүл мэнд" сэдвээр тавьж салбар хуралдааныг "Анхан шатны эрүүл мэндийн тусламж үйлчилгээний шинэчлэл", "Эрүүл мэндийн даатгалын шинэчлэл", "Нийгмийн эрүүл мэндийн тусламж үйлчилгээний шинэчлэл", "Эмийн чанар, аюулгүй байдал" сэдвээр зохион байгуулж, оролцогчид өөрийн сонгосон салбар хуралдаанд оролцож, шинэ мэдээ мэдэлэл сонсохын хамт санаа бодлоо солилцож, чөлөөт ярилцлага өрнүүллээ.

Эх сурвалж www.polit.mn

Л.Оюун-Эрдэнэ: "Ачит Ихт" компанийн ард Ц.Элбэгдорж байгаа, "Цагалбар" гэж дансанд тус компани 13 сая долларыг шилжүүлсэн баримт бий

Л.Оюун-Эрдэнэ: "Ачит Ихт" компанийн ард Ц.Элбэгдорж байгаа, "Цагалбар" гэж дансанд тус компани 13 сая долларыг шилжүүлсэн баримт бий

Уржигдар 18 цаг 01 мин
Гавьяат эмч, улстөрч Ж.Чинбүрэн

“Polit.mn” сайт “Төрсөн өдөр”  буландаа  дөрөвдүгээр сарын 19-нд төрсөн өдөр нь тохиож буй УИХ-ын гишүүн Ж.Чинбүрэнгийн  тухай онцолж байна.

Уржигдар 14 цаг 14 мин
С.Баярцогт: Ардчиллын үнэт зүйлийг хамгаалах зорилгоор нам доторх гурван клуб нийлж, "Гранд Монгол" нэгдлийг байгуулсан

С.Баярцогт: Ардчиллын үнэт зүйлийг хамгаалах зорилгоор нам доторх гурван клуб нийлж, "Гранд Монгол" нэгдлийг байгуулсан

Уржигдар 13 цаг 59 мин
"Өнөр бүл” хүүхдийн төвийн хамт олонд төрийн дээд цол, одон, медаль хүртээв

"Өнөр бүл” хүүхдийн төвийн хамт олонд төрийн дээд цол, одон, медаль хүртээв

Уржигдар 13 цаг 52 мин
Наадмын найруулагчаар Ц.Батнайрамдал тодорчээ

Наадмын найруулагчаар Ц.Батнайрамдал тодорчээ

Уржигдар 13 цаг 42 мин
Л.Оюун-Эрдэнэ “Ц.Элбэгдорж захиалагч” гээд Ц.Элбэгдорж “Т.Чимгээ нар алуурчин” гэв

Л.Оюун-Эрдэнэ “Ц.Элбэгдорж захиалагч” гээд Ц.Элбэгдорж “Т.Чимгээ нар алуурчин” гэв

Уржигдар 09 цаг 36 мин
Л.Оюун-Эрдэнийн “С.Зориг ба Эрдэнэт”-ийн талаар ярьсныг Ц.Элбэгдорж үгүйсгэж С.Баяр батлав

Л.Оюун-Эрдэнийн “С.Зориг ба Эрдэнэт”-ийн талаар ярьсныг Ц.Элбэгдорж үгүйсгэж С.Баяр батлав

Уржигдар 09 цаг 36 мин
Л.Оюун-Эрдэнэ “Системийн авлигыг Ц.Элбэгдорж угсарсан”, Ц.Элбэгдорж “Чи намайг мааф гэж уншаад байна”

Л.Оюун-Эрдэнэ “Системийн авлигыг Ц.Элбэгдорж угсарсан”, Ц.Элбэгдорж “Чи намайг мааф гэж уншаад байна”

Уржигдар 09 цаг 06 мин
Бие даан нэр дэвшигч дараах үүрэг хариуцлагыг хүлээнэ

Иргэдийн улс төрийн эрх, эрх чөлөөг хангаж, хамгаала

Уржигдар 07 цаг 45 мин