Б.ОД

Улаанбаатар хотод бүртгэлтэй автомашины тоо энэ оны наймдугаар сарын эцсийн байдлаар 642315 болжээ. Энэ нь Монгол Улсад бүртгэлтэй нийт автомашины 55 хувийг эзэлж байна. 

Автомашины импорт цар тахлын жилийг эс тооцвол тасралтгүй өсөж ирсэн. Энэ оны эхний найман сарын байдлаар л гэхэд суудлын 47 мянга гаруй автомашин импортолсон нь 2021 оны түвшнээс 24 хувь, 2020 оныхоос 32 хувиар өссөнийг Гаалийн ерөнхий газраас мэдээллээ.

Графикаас харвал тээврийн хэрэгслийн тоо 2012 онд дугаарын хязгаартай зорчуулах шийдвэр гарснаар 46 хувиар огцом өссөнөөс хойш жил тутам өсөлт 50-10 хувьд тогтмол хэлбэлзэж иржээ.  Дээр дурдсан автомашины тоо Улаанбаатар хотын ачааллаас хэт давсан тул цаашид жилд олгох тээврийн хэрэгслийн улсын дугаарыг хязгаартай болгох хувилбарыг ч ярьж байгаа аж.

Иймд түгжрэлийг бууруулах 36 цогц арга хэмжээний хүрээнд технологи болон эдийн засгийн зарим хөшүүргийг ашиглахаар төлөвлөжээ.Тухайлбал, нийслэлийн замаар зорчихын тулд Улаанбаатар хотод бүртгэлтэй автомашин километр тутамд 15, орон нутгийн машинаас 45 төгрөгийн хураамж авахаар төлөвлөж байна. 

Эх сурвалж:www.polit.mn