Д.Сүхбаатарын талбайд "БНСУ-ын аялал жуулчлалын өдөрлөг" болно

Нүүр

Геополитик

Д.Сүхбаатарын талбайд "БНСУ-ын аялал жуулчлалын өдөрлөг" болно

2022-09-01

Нийтэлсэн: Админ

1 мин

ХУВААЛЦАХ

ЖИРГЭХ

Б.ДАРЬСҮРЭН

БНСУ-аас Монгол Улсад суугаа Элчин сайдын яам, Нийслэлийн Засаг даргын Тамгын газар, Нийслэлийн Аялал жуулчлалын газартай хамтран “Солонгосын соёл, аялал жуулчлалын өдрүүд-2022”-ыг энэ сарын 2-4-ний өдөр Д.Сүхбаатарын талбайд зохион байгуулах гэж байна.

Үйл ажиллагааны үеэр Солонгосын соёл урлагийн төрөл бүрийн арга хэмжээнүүд зохион байгуулах юм. Тухайлбал, энэ сарын 2-нд БНСУ-ын алдартай уран бүтээлчдийн тоглолт, урлаг соёлын дээжээс толилуулж, “Little forest” киног үзүүлнэ. Харин 3-ны өдөр зорин ирсэн хүн бүр оролцох боломжтой “OPEN MIC” болон “OX” асуулт, хариултын тэмцээнийг зохион байгуулна. Сүүлийн өдөр буюу 4-ний өдөр БНСУ-ын ЭСЯ-ны ахлах тогооч өөрийн гараар Солонгос үндэсний хоол (K-Food) хийж амталгаа явуулах аж. Өдөрлөгийн үеэр Монгол Улсад үйл ажиллагаа явуулж буй БНСУ-ын төрийн болон төрийн өмчит байгууллага, аж ахуйн нэгжүүд сурталчилгааны асрыг нээж, хөнгөлөлт урамшууллыг үзүүлэх юм. Түүнчлэн Солонгосоос Make-up Artist ирж K-Beauty Make Up шоу зохиохоор төлөвлөжээ.

Эх сурвалж: www.polit.mn