Т.САЙХАН

УИХ-ын ээлжит бус чуулганаар шинээр томилогдсон Засгийн газрын гишүүд тангараг өргөлөө. Улмаар үдээс хойшх чуулганаар байнгын хорооны даргыг сонгох асуудлыг хэлэлцэн, УИХ-ын ээлжит бус чуулганы хаалтын ажиллагаа болно.

Засгийн газрын гишүүдийн тангараг өргөх ёслол эхэлж, Ерөнхий сайд Л.Оюун-Эрдэнэ Засгийн газрын гишүүдийг томилсон тухай захирамжийг уншиж танилцуулав. 

Ерөнхий сайд Л.Оюун-Эрдэнэ: -УИХ-ын дарга, эрхэм гишүүд ээ. Миний бие Ерөнхий сайдаар томилогдоод дөрвөн зорилтыг дэвшүүлж байсан. Засгийн газар өнгөрсөн нэг жилийн хугацаанд бүхэлдээ цар тахлыг даван туулах зорилтын төлөө ажиллалаа. Өнөөдрөөс эдийн засгийг эрчимжүүлэх хоёр дахь багц төлөвлөгөө буюу "Шинэ сэргэлтийн бодлого"-ыг эрчимжүүлэх хүрээнд өнөөдрийн Засгийн газрын өөрчлөлтийг хийсэн. Үндсэн хуулийн 39.4 дэх заалтад Монгол Улсын Засгийн газрын тухай хуулийн 23.1.2-т заасныг үндэслэн дор дурдсан хүмүүсийг Засгийн газарт Ерөнхий сайдын бүрэн эрхийн хүрээнд томилж байна гэлээ.

Эх сурвалж:www.polit.mn