Нийслэлийн төрийн өмчийн зарим ерөнхий боловсролын сургуулийн хамран сургах тойрогт багтах гэсэн шилжилт хөдөлгөөн ихэсжээ. Энэ жилийн нэгдүгээр ангийн бүртгэлийг цахимаар, ил тодоор хийж байгаа ч хуурамч шилжилт хөдөлгөөн их болсон байна.

Энэ талаар Боловсролын ерөнхий газар(БЕГ)-ын дарга Т.Ням-Очир "21 дүгээр сургуулийн хамран сургах тойрогт 600 орчим зургаан настан байна гэж төлөвлөсөн ч шилжилт хөдөлгөөн их хийсний улмаас 900 болоод байна.  Мөн 84 дүгээр сургуулийн хамран сургах тойргийн хоёр хороонд өдөрт дунджаар 10-15 хөдөлгөөн хийгж байна. Монгол 3 дугаар сургуулийнханд өдөрт 70 гаруй хүүхэд нэмэгдэж байгаа бол 250 хүүхэд нэгдүгээр ангид нь элсэнэ гэж тооцсон 18 дугаар сургуульд 412 хүүхэд элсэхээр байна. Энэ мэтчилэн хуурамч шилжилт хөдөлгөөн их хийж байгаа нь тухайн хаягийн оршин суугчид болон сургуулийн удирдлагуудад хүндрэл учруулж байгаа. Иймд заавал очиж хянан шалгах ёстой болоод байгаа. Нэг хаяг дээр 2-3 айл бүртгэгдсэн байх, очиж шалгахад эзэнгүй байх зэрэг зөрчил гарсаар байна" гэсэн юм.

 Эх сурвалж:www.polit.mn