Б.ДАРЬСҮРЭН

“Тавантолгой түлш” ХХК-ийн зарим ажилчдыг хөдөлмөрийн хортой нөхцөлд хамруулах асуудлаар БОАЖ-ын сайд Б.Бат-Эрдэнэ, Нийслэлийн Засаг даргын орлогч З.Төмөртөмөө, Хөдөлмөр, нийгмийн хамгааллын яамны төлөөлөл, компанийн Гүйцэтгэх захирал Ц.Даваацэрэнтэй уулзлаа.

Хөдөлмөрийн нөхцлийг тодорхойлохооро хэрэгжүүлж байгаа арга хэмжээний талаар компанийн Захиргаа удирдлагын албаны дарга Э.Ууганцэцэг танилцуулсан юм. Тэрбээр “Хөдөлмөрийн нөхцлийг тодорхойлох асуудлаар Хөдөлмөр, нийгмийн хамгааллын яам, Хөдөлмөрийн аюулгүй байдал, эрүүл мэндийн төвөөр өнгөрсөн оны аравдугаар сарын 25-наас арваннэгдүгээр сарын 2–ныг хүртэл 21 ажлын байранд хөдөлмөрийн нөхцлийн үнэлгээ хийлгүүлэн, ирүүлсэн зөвлөмж, тайланд үндэслэн гүйцэтгэх захирлаар батлуусан ажлын хэсэг, удирдамж, төлөвлөгөө гарган, хэрэгжүүлэн ажиллаж байна. Үнэлгээ хийлгэх 92 ажлын байранд 1793 ажилтан байгаагаас энэ онд 30 ажлын байранд үнэлгээ хийлгэхээр төлөвлөн ажиллаж байна” гэв.

Тэдгээрийг хөдөлмөрийн хүнд нөхцөлд хамруулснаар эхний таван жилд 102, арван жилийн хугацаанд 153 хүн тэтгэвэрт гарах судалгаа байгаа аж. 

Эх сурвалж: www.polit.mn