Б.ДАРЬСҮРЭН

Нийслэлийн Аялал жуулчлалын газраас “UB Food festival” арга хэмжээг энэ бямба гарагт  Д.Сүхбаатарын талбайд зохион байгуулахаар болжээ.

Энэ арга хэмжээ нь Монгол үндэсний хоолны соёлыг гадаад, дотоодын иргэдэд таниулах, иргэдийн эрүүл зөв хооллолтын талаарх ойлголтыг дээшлүүлэх, гудамжны хоолны соёлыг түгээн дэлгэрүүлэх, тусгай сонирхлын аялал жуулчлалыг хөгжүүлэх зорилготой юм. Арга хэмжээнд 20 ресторан, зоогийн газар, найман явуулын хоолны газар оролцохоор бүртгүүлжээ. Тухайлбал, “Намастэ” Энэтхэг хоолны ресторан, “Mongolian lamb”, “Khulan” ресторан, “Black burger” түргэн хоолны ресторан оролцох бол гудамжны хоол үйлчилгээг төлөөлж Ub street food болон Food truck зэрэг газрууд оролцох юм. Мөн өдөрлөгийн үеэр Арт гэрийн залуус болон мастер тогооч нар Монгол үндэсний хоолны үзүүлбэр үзүүлж, хоолны цэсээ танилцуулна. Аж ахуйн нэгжүүд үндэсний үйлдвэрлэлийн нэрийн бүтээгдэхүүн, төрөл бүрийн хоол, зуушны амталгаа бэлтгэж, хямд үнээр иргэдэд үйлчлэх юм байна.

Эх сурвалж: www.polit.mn