Б.БАЯРЖАВХЛАН

Баянхонгор аймагт үйл ажиллагаа явуулж байгаа уул уурхайн компаниуд нөхөн сэргээлт хийхгүй байгаа талаар тус аймгийн иргэд БОАЖ-ын сайд Б.Бат-Эрдэнэд хандан өчигдөр хэвлэлийн хурал хийлээ.

Энэ үеэр экологич Д:Туяа “Баянхонгор аймгийн Жаргалант сумын нутаг дэвсгэрт үүсээд буй энөхцөл байдалтай холбогдуулан БОАЖ-ын сайд Б.Бат-Эрдэнэд дараах гурван хүсэлтийг хүргүүлж байна.

Нэгдүгээрт, Оргил Маунт гэдэг компани 2015-2016 оны хооронд уул уурхайн үйл ажиллагаа явуулаад, тухайн талбайдаа нөхөн сэргээлт хийгээгүй орхисон байдаг. Өнгөрсөн хугацаанд энэ талаар хүсэлтүүдийг удаа дараа тус компанид хүсэлт хүргүүлсэн боловч ямар ч хариу арга хэмжээ эаваагүй. Энэ бүх нотлох баримтуудаа БОАЖ сайд Б.Бат-эрдэнэд хүргүүлсэн.

Хоёрдугаарт, тус компанийн 2015-2016 онд олборлосон орлогыг төрийн санд төвлөрүүлэх ажлыг хууль хяналтын байгууллагаар тогтоолгох, шинжээч томилж хууль бус орлогыг хураан авч өгнө үү гэсэн хүсэлтийг гаргаж байна.

Гуравдугаарт, Тухайн компани нь дахин ашиглалтын лиценз авсан байна. Гэвч тухайн компанид үйл ажиллагаа явуулах эрхийг өгөөгүй байгаа гэж өнөөдөр холбогдох газраас хэллээ.Мөн өмнөх нөхөн сэргээлтийн ажлыг хийлгүүлж байж дараагийн ажлыг эхлүүлээч хэмээн хүсч байна. Уул уулхайн компаниуд иргэдээсээ илүү давуу эрх эдэлж байна” гэв.

эх сурвалж: www.polit.mn