Б.ДАРЬСҮРЭН

БНХАУ-ын буцалтгүй тусламжаар Сүхбаатар дүүргийн IX хороо, Ногоон нуур орчмын 4.2 га талбайд 1008 айлын орон сууцыг барих барилгын ажлын явцтай Барилга, хот байгуулалтын сайд Б.Мөнхбаатар танилцлаа.

Барилгын ажлыг зургадугаар сард эхлүүлж, 30 сарын хугацаанд багтаан дуусгахаар төлөвлөжээ. “Ногоон нуур 1008 айлын орон сууц” нь 21 давхар найман блок бүхий нийт 84.833 м.кв талбайтай, 7519 м.кв ил болон газар доорхи нэгдсэн автомашины зогсоолтой, иж бүрэн инженерийн дэд бүтэц, шугам сүлжээтэй, 2420 м.кв явган хүний талбай, 1262 м.кв хүүхдийн тоглоомын талбай, 7270 м.кв ногоон байгууламжийн талбай, цутгамал төмөр бетон хийцтэй, давхартаа 49.95, 55.04 мкв хоёр өрөө бүхий зургаан айлтай ниит цогцолбор хорооллын төсөл юм. Хорооллын зураг төслийн захиалагчаар Барилга, хот байгуулалтын яам, захиалагчийн хяналтыг “Ногоон нуур 1008 айлын орон сууц”-ны төсөл хэрэгжүүлэх нэгж, ТЭЗҮ, Зураг төслийг “Интеллект тауэр” ХХК, Ерөнхий гүйцэтгэгчээр БНХАУ-ын “Хятадын хоёр дахь металлурги групп корпораци” ажиллаж, БНХАУ-ын буцалтгүй тусламжийн 347.4 сая юанийн хөрөнгөөр хэрэгжүүлж байгаа аж.

Эх сурвалж: www.polit.mn