П.АМГАЛАНБАЯР

Боловсрол, шинжлэх ухааны яамнаас цэцэрлэгийн бүртгэлтэй холбоотой асуудлаар мэдээлэл хийлээ. Энэ үеэр БШУЯ-ны сайд Д.Энх-Амгалан "Маргаашаас эхлэн цэцэрлэгт элсэх хүсэлтийг авна. Гэхдээ энэ нь бүртгэл биш юм. Хамран сургах тойргийг гурван үе шаттай зарлана. Хүүхэд бүр цэцэрлэгт хамрагдах боломжийг олгоно" гэлээ. Тэгэхээр цэцэрлэгийн цахим бүртгэл нь наймдугаар сарын 10-наас хүсэлт хүлээн авах, цэцэрлэгт хуваарилах, бүртгэлийг баталгаажуулах гэсэн гурван үе шаттай зохион байгуулахаар болжээ.

Нэгдүгээр үе шат:

• Наймдугаар сарын 10-24 хүртэл хүсэлт хүлээн авна
• Наймдугаар сарын 25-26 хүртэл цэцэрлэгт хуваарилна
• Наймдугаар сарын 26-наас есдүгээр сарын есөн хүртэл бүртгэлийг баталгаажуулна.

Хоёрдугаар үе шат:

• Есдүгээр сарын 10-25-ныг хүртэл хүсэлт хүлээн авна
• Есдүгээр сарын 26-27-ны өдрүүдэд цэцэрлэгт хуваарилна
• Есдүгээр сарын 27-30-ны өдрүүдэд бүртгэлийг баталгаажуулна.

Гуравдугаар үе шат:

• Аравдугаар сарын 3-24 хүртэл хүсэлт хүлээн авна
• Аравдугаар сарын 25-26 өдрүүдэд цэцэрлэгт хуваарилна
• Аравдугаар сарын 26-31-ийг хүртэл бүртгэлийг баталгаажуулах юм.

Эх сурвалж:www.polit.mn