Б.БАЯРЖАРГАЛ

Өмнөд Солонгос улсад энэ сарын 8-наас үргэлжлэн орсон борооны улмаас долоон хүн нас барж, зургаан хүн сураггүй алга болсон тухай тус улсын эрх баригчид мэдэгдээд байна.  Мөн метроны буудал нурж, зам талбай хүн явахын аргагүй болоод байгаа гэх мэдээлэлүүд гараад байгаа. Үүнтэй холбогдуулан нөхцөл байдал ямар байгаа талаар Сөүл хотод гэр бүлийн хамтаар амьдарч байгаа Б.Өлзийжаргалаас тодрууллаа. Тэрбээр “Зарим газар метроны буудал нурсан, гудамж талбай үерлсэн асуудлууд байгаа. Миний амьдарч байгаа дүүргийн хувьд нилээн их хэмжээний ус тогтсон байгаа учраас гэрээсээ гарах боломжгүй байна. Тиймээс одоогоор ажил болон хичээлдээ явахгүй байгаа” гэв.

Мөн Сувон хотод оршин суугаа иргэн А.Мягмарсүрэн “Өчигдрөөс эхэлж бороо орж байна. Далайд ойрхон хотуудыг бодвол харьцангуй гайгүй байна. Гэхдээ бороо үргэлжлээд долоо хоног орно гэсэн мэдээлэл утсанд ирсээр байгаа. Барилгын ажлууд зогссон бусад ажлууд бол хэвийн явагдаж байна. Миний хувьд бүх зүйл хэвийн байна.Борооны улмаас түгжрэл л ихэссэн” гэв.

Мөн тус улсад байгаа манай элчин сайдын яамнаас тус улсад амьдарч байгаа иргэдийг үер усны аюулаас болгоомжлохыг анхааруулж байгаа юм.

Эх сурвалж:www.polit.mn