Б.Хулангоо

Зөвшөөрөлгүйгээр самар түүсэн тохиолдолд 5000 нэгж түүнээс дээш нэгжээр торгох, эсвэл 1-ээс хоёр жилийн хорих ялаар шийтгэх ёстой гэж хуулинд заасан.

Экологийн тэнцвэрт байдлыг хангах, “Тэрбум мод” хөтөлбөрийн хүрээнд самар ихээр түүж, борлуулахгүй байхын иргэдэд уриалж байна.

Жил бүрийн есдүгээр сарын 10-аас самар түүхийг зөвшөөрдөг ч хуш модны самрын ургац тааруу, өмнөх жилүүдээс хушин ойн 40 хувийн доройтолд орсон зэргээс шалтгаалж иргэдийг самар түүхгүй байхыг Байгаль орчин аялал жуулчны яамнаас анхааруулаад байна.

Самар түүх зөвшөөрөл авсан аж ахуй нэгж, хувь хүн ахуйн зориулалтаар 25кг хүртэлх самрыг түүх, харин үйлдвэр борлуулалтын чиглэлээр тухайн нөөцийнхөө 40 хүртэлх хувийг бэлтгэх ёстой гэж хуулинд тусгасан байдаг.

Хуш мод нь ойн нөөцийн таван хувийг эзэлдэг чухал зүйл юм. Экологийн тэнцвэрт байдлыг хадгалах үүднээс самар түүх зохист хэмжээ нь 30 хувийг нь түүж, 70хувийг нь үлдээх ёстой байдаг аж. Гэсэн хэдий ч иргэд  тухайн хэмжээнээс хэтрээд зогсохгүй  хуш модруу авирч дутуу  болцтой самрыг хатуу биетнээр зохиж модыг нь гэмтээж байгаа нь самраар хооллодог амьтдад хохирол учруулж, цаашлаад түүхийгээр нь түүснээр гэдэсний халдварт өвчин тархах эрсдэлтэй байгааг НЭМҮТ-ээс анхааруулжээ.

Эх сурвалж:www.polit.mn