Т.САЙХАН

Энэ жилийн наадамд үзүүрлэж, Улсын арслан цол хүртсэн Б.Орхонбаярын цолны мялаалга өнөөдөр/08.05/ Сэлэнгэ аймгийн Цагааннуур суманд болж байна.  Тэгвэл түүний цолыг мялааж, Сэлэнгэ нутгийн зон олон бэлэг, дурсгалын зүйл гардуулжээ. Тухайлбал, Сэлэнгэ аймгийн 17 сумын иргэдээс 500 толгой хонь, “Ланд Круйзер-300” автомашин, “Өсөх зоос” компанийн эзэн Ч.Чинбат “Саруул шилтгээн” хотхонд гурван өрөө байр тус тус бэлэглэжээ.

Өдгөө 24 настай түүний хувьд Ардын хувьсгалын 100, 101 жилийн ойн баяр наадамд аймгийн арслан Д.Алтанцоожоор дөрөв, аймгийн арслан Д.Бадамгараваар тав, аймгийн арслан О.Цэцэнцэнгэлээр зургаа, улсын арслан Ц.Содномдоржоор долоо, улсын харцага Б.Бат-Өлзийгөөр найм, даян аварга Н.Батсууриар ес даван үзүүрлэж "Монгол Улсын арслан" цол хүртсэн билээ. 

Эх сурвалж:www.polit.mn