Б.ДАРЬСҮРЭН

Азийн хөгжлийн банкны хөнгөлөлттэй зээлээр хэрэгжиж буй “Зүүн өмнөд говийн хот байгуулалт, хилийн ойролцоо суурин газруудын хөгжлийн нэмэлт санхүүжилтийн төсөл”-ийн хүрээнд есөн аймагт шинэ цэвэрлэх байгууламж барьж байна. Энэ төслийн хүрээнд Сайншанд хотод хоногт 3000 м.куб бохир ус хүлээн авах хүчин чадалтай цэвэрлэх байгууламж, Аршанд, Өвөршандыг холбосон 4.4 км бохир усны төв магистрал шугамыг 9.7 тэрбум төгрөгийн өртөгтэй дэд бүтцийн ажлыг хийж дуусгажээ. 

Барилгын гүйцэтгэгчээр “Комфорт импекс” ХХК ажиллаж, өчигдөр ашиглалтад хүлээлгэн өгчээ. Тус цэвэрлэх байгууламж нь цэвэрлэгдсэн усыг цэцэрлэг, зүлэгжүүлэлт, зам талбай, хөрсний усалгаанд ашиглахад зориулсан цооногтой. Мөн цэвэрлэгээний явцад гарсан лагийг боловсруулан бордоо, түлш гаргах тоног төхөөрөмжтэй жишиг байгууламж болж байна. Цэвэрлэх байгууламжийн ашиглалтын үйл ажиллагааг “Чандмань илч” ХХК хариуцах юм. 17 ажилтнаа онолын болон дадлагажуулах сургалтад хамруулаад байна. Харин цэвэрлэх байгууламжийн тохируулга, зүгшрүүлэлтийн ажлыг нэг жилийн хугацаанд хийж, ажилчдыг дагалдуулан сургах юм байна.

Эх сурвалж: www.polit.mn