Б.ОД

Гол усны ослоос урьдчилан сэргийлэхийг анхааруулж байна.

Тодруулбал, Дорнод аймгийн Хэрлэн сумын нутаг, ... хотхоны урд Хэрлэн голд таван хүүхэд орж байснаас хоёр нь живсэн тухай дуудлага өчигдөр 09:29 цагт Онцгой байдлын газарт бүртгэгджээ.

Дуудлагаар тус аймгийн Онцгой байдлын газрын Эрэн хайх, аврах ангийн алба хаагчид очиж, эрэн хайх ажиллагааг зохион байгуулан 11:53 цагт осолдсон газраас зүүн зүгт 5 км-т усны мандал дээр байсан 16 настай, эрэгтэйн цогцсыг, осолдсон газраас зүүн зүгт 15 км-т усны мандал дээр байсан 14 настай, эрэгтэйн цогцсыг 20:45 цагт олж гарган Цагдаагийн байгууллагад тус тус шилжүүлэн өгсөн гэж ОБЕГ-аас мэдээллээ.

Иймд иргэд амралт, аялал зугаалгын улирал эхэлсэнтэй холбогдуулан иргэд та бүхэн амралт, чөлөөт цагаа өнгөрүүлэхдээ:

• Гол, усны ойролцоо амарч зугаалахгүй байх
• Бага насны хүүхдэд тавих хараа, хяналтаа сайжруулах
• Голын эрэг дагуу хүүхдийг явуулахгүй, тоглуулахгүй байх
• Аян замд явахдаа сайн мэдэхгүй гол мөрний усанд орохгүй байх
• Түргэн урсгалтай гүнзгий голын усанд сэлэхээс зайлсхийх
• Булчин шөрмөс татах үед усанд орохоос татгалзах
• Архи согтууруулах ундаа хэрэглэсэн үедээ голын усанд орохоос зайлсхийх хэрэгтэйг зөвлөж байна. Тээврийн хэрэгслийн жолооч нар баталгаатай зам, гүүрээр зорчиж гол усанд унах, осолдох эрсдэлээс урьдчилан сэргийлэхийг зөвлөж байна.