С.САРУУЛ

Хөдөлмөрийн тухай хуулийн шинэчилсэн найруулгын 144 дүгээр зүйлд зааснаар өмчийн төрөл, хэлбэрээс үл хамаарч 25 ба түүнээс дээш ажилтантай бол нийт ажлын байрныхаа дөрвөн хувиас доошгүй орон тоонд хөгжлийн бэрхшээлтэй хүнийг ажиллуулах үүрэгтэй. Хэрэв ажиллуулаагүй бол хөдөлмөрийн хөлсний доод хэмжээтэй тэнцүү төлбөрийг Хөгжлийн бэрхшээлтэй иргэний хөдөлмөр эрхлэлтийг дэмжих санд төлөх зохицуулалттай.

Харин төлбөр төлөхөөс илүүтэй ажлын байраар хангаад явахаар бол олон ач холбогдолтой гэдгийг салбарын яам мэдээллээ.

-Хөгжлийн бэрхшээлтэй хүн ажлын байртай болж, нийгмийн харилцаанд оролцохоос гадна орлоготой болно. Энэ нь өөрийн болон өрхийн амьжиргаанд маш том дэмжлэг болно.

-Байгууллагын дотоод уур амьсгал, харилцаа хандлага сайжирч, танай байгууллагынхан болоод бусад хүмүүсийн Хөгжлийн бэрхшээлтэй хүнийг харах өнцөгт эерэгээр нөлөөлнө

-Хөгжлийн бэрхшээлтэй хүн яг тохирсон, өөрийн дуртай ажлын байрандаа бусдаас ч илүү сэтгэл, зүтгэл, үр бүтээлтэй  ажилладаг.

Сүүлийн үед ажил олгогчид хөгжлийн бэрхшээлтэй хүнийг ажлын байрных нь тохирох хэрэглэгдэхүүнээр хангаад яг өөрийнх нь хамгийн сайн хийж чадах ажлын байранд нь ажиллуулж байгаа цөөнгүй газрууд байгаа аж.

Эх сурвалж: www.polit.mn