Б.ДАРЬСҮРЭН
Тээврийн цагдаагийн албаны Жижүүрийн шуурхай удирдлагын төвд нийт 675 дуудлага мэдээлэл хүлээн авснаас зам тээврийн ослын шинжтэй 392 дуудлага мэдээлэл бүртгэгдсэн.
Бүртгэгдсэн зам тээврийн ослын улмаас Нийслэлд 18 хүн, Орон нутагт долоон хүн гэмтжээ.
Ослын улмаас нийслэлд хүний амь хохироогүй, орон нутагт зургаан хүний амь хохирсон байна.
Нийслэлд:
Явган зорчигч хэлбэрээр найман хүн гэмтсэнээс, дөрвөн хүүхэд гэмтэж бэртсэн байна.
Мөргөлдөх хэлбэрээр дөрвөн хүн гэмтсэн.
Мотоциклтой нэг хүүхэд гэмтсэн
Зорчигч гурван хүн гэмтэж бэртсэн байна.
Орон нутагт
Мөргөлдөх хэлбэрээр таван хүн гэмтсэнээс нэг хүүхэд гэмтсэн. таван хүний амь хохирсон
Онхолдох хэлбэрээр хоёр хүн гэмтэж, нэг хүний амь хохирсон. Тухайлбал:
2022.07.13 11.05 цагт Төв аймаг Баян суманд Х.Саното-8 автомашин Т.Highlander автомашин мөргөлдсөн зам тээврийн осол гарч гурван хүний амь нас хохирч, гурван хүн гэмтэж бэртсэн байна.
Гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 329 зөрчлийг илрүүлж, учирч болох эрсдэлээс урьдчилан сэргийлж ажилласан.
Согтууруулах ундааны зүйл хэрэглэсэн үедээ хөдөлгөөнд оролцож осолд холбогдсон тохиолдол ес бүртгэгдсэнээс жолооч-5 холбогдож, явганаар дөрвөн хүн зам тээврийн осолд холбогдсон байна.
Баяр наадмын өдрүүдэд нийслэл аймгийн цагдаагийн газрын бие бүрэлдэхүүн хамрагдан цагийн менежментийн дагуу 24 цагаар орон нутгийн замд хяналт шалгалт хийж ажиллан иргэдийнхээ амар тайван ая тухтай зорчих нөхцлийг ханган ажиллаж байна.
Орон нутгийн замд зорчих тээврийн хэрэгслийн хөдөлгөөний эрчим нэмэгдэж байгаа тул иргэд жолооч та бүхэн архи согтууруулах ундааны зүйл хэрэглэхгүй байх, хэт ядарсан нойр дутуу үедээ тээврийн хэрэгсэл жолоодохгүй байх, мөн жолооч биш жолоодох эрхийн үнэмлэхгүй хүнээр тээврийн хэрэгсэл жолоодуулахгүй байхад анхаарч хөдөлгөөнд оролцохыг цагдаагийн байгууллагаас анхааруулж байна.
"Аажуу явбал аяндаа хүрнэ дээ"