Б.ДОЛЖИНЖАВ

Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадам үргэлжилж байна.

Өнөөдөр буюу долдугаар сарын 12-нд хурдан соёолон, дааганы уралдаан Хүй долоон худагт болно. Харин үндэсний бөхийн барилдаан,  шагайн харваа, үндэсний сурын шилдгүүд тодрох юм.

Энэ жилийн наадамд гадаадын олон жуулчин манай улсын үндэсний их баяр наадмыг үзэж сонирхохоор иржээ. Бид Өмнөд Африкаас манай улсыг анх удаа зорьж ирсэн Кристен Клоппер /Kristen Klopper/-ээс наадмын талаарх сэтгэгдлийг нь сонслоо. Тэрбээр наадмыг анх удаа үзэж байгаа юм.

Гэрэл зургийг @Р.Оюун /ЗУУНЫ МЭДЭЭ/

Кристен Клоппер “Монголд анх удаа ирсэн. Үндэсний их баяр наадмыг нь мөн  анх удаа үзлээ. Мэдээллийн сувгаар наадмын тухай мэдэж авснаас өөр ойлголт байгаагүй. Гэтэл өөрөө оролцож, нүдээрээ үзэх төсөөлснөөс огт өөр, үнэхээр сайхан байна. Монголчууд эх орноороо, монгол хүн гэдгээрээ бахархаж байгаа нь маш их таалагдаж байна. Наадмын нээлтээс эхлээд бүх зүйл нь маш гоё байлаа. Сэтгэл  хангалуун байна. Монголыг  анх төсөөлөхөд хөдөө тал хээр нутаг, морь, нүүдэлчин соёл иргэншилтэй амьдрал нүдэнд харагдаж байсан.Ирсний дараах сэтгэгдэл өөр байна. Үүнээс өөр олон зүйлийг мэдэж авлаа” гэсэн юм.

Тэрбээр Австри найзтайгаа хамт анх удаа Монголд иржээ.

Эх сурвалж:www.polit.mn