Д.НАДМИД

Ардын язгуур урлагийн анхны "Өв эрдэнэ" театр саяхан нээлтээ хийлээ. Алив шинэ газар байгууллагын нээлт нэг л тогтсон хэв маягаар буюу хурал, ёслол болж өнгөрдөг бол энэ театрын нээлт тун өвөрмөц болсон юм.

"Өв эрдэнэ" театрын нээлтийг Монгол ёс заншлын дагуу шинэ гэрийн найрын хэлбэртэй зохион байгуулж "Эртний сайхан" уртын дугаар эхлүүлэв. Найрын ахлагчаар Соёлын өвийн төлөө олон жил ажил амьдралаа зориулсан С.Юндэнбат гуай суусан байлаа. Уг найр буюу ёслолд өв уламжлагч Б.Ганзоригийн гэр бүл гурав, дөрөв дэх үеийн төлөөлөл ирж уран бүтээлээ толилуулсан нь содон байсан юм.

Соёлын дэд сайд М.Батбаяр хэлсэн үгэндээ “Энэ цагаас эхлээд өвлөн уламжлагчдаа сурталчлах, таниулах үйл ажил хэзээ ч тасалдахгүй боломж нээгдлээ. Улсын хэмжээнд 1189 өвлөн уламжлагч бий. Үүнээс бүрэн хүлээн зөвшөөрөгдсөн нь 102 хүн байдаг. Тэдний залгамж халааг бий болгоход энэ театр чухал үүрэг гүйцэтгэх юм” гэсэн байна.

Эх сурвалж:www.polit.mn