Н.Намуун

Сэтгүүлч С.Шаравдорж МСНЭ-ийн XVIII хурал маргаантай байгаа талаар “Үндэсний мэдээллийн төв”-д мэдээлэл хийлээ. МСНЭ-ийн XVII хурал 2018 оны хоёрдугаар сарын 8-нд болж байжээ. Уг хурлыг дүрмээ зөрчсөн,хүчин төгөлдөр бус хурал болсон гэж үзээд “Орон нутгийн холбоо”-ны тэргүүн С.Шаравдорж нэхэмжлэх гаргасан байна. Нэхэмжлэлийн дагуу нийслэлийн иргэний хэргийн давж заалдах шатны шүүхийн 2021 оны тавдугаар сарын 10-ны өдрийн 722 дугаар магадлалаар XVII Их хурлын салбар хуралдаан болох Орон нутгийн мэргэжлийн төвийн гишүүдийн хурлын сонгуулийн хүчингүйд тооцож, шийдвэрлэж байжээ. Мөн  ХVIII хурлын үеэр буюу 2022 оны долдугаар сарын 6-ны өдрийн их хурлаас гаргасан шийдвэрийг шүүхийн шийдвэр гүйцэтгэх ажиллагаа дуусах хүртэл түр хугацаанд бүртгэхгүй байхыг “Шүүхийн шийдвэр гүйцэтгэх ерөнхий газар”-аас мэдэгджээ.  МСНЭ-ийн их хурал болж, сонгууль явагдсан хэдий боловч улсын бүртгэлд бүртгүүлж, хууль ёсны дагуу төлөөлөх, эрх зүйн харилцаанд оролцох боломжгүй болжээ. Учир нь шүүхийн шийдвэрийг биелүүлээгүйн улмаас тус эрх нь хязгаардагдаж байгаа аж.

Орон нутгийн  хэвлэл мэдээллийн тэргүүн С.Шаравдорж “МСНЭ 2018 онд хуралдахдаа хуйвалдаан зохиосон. Энэ нь өмнөх ерөнхийлөгч болон дараагийн ерөнхийлөгчийн хооронд байнгын хуйвалдаан явагдсан гэж үзсэн. Тийнхүү нэлээд олон нэхэмжлэх шүүхэд өгснөөс дурьдвал дүрмийг хүчингүй болгох, сэтгүүлчдийн их хурлыг тэр чигээр нь хүчингүйд тооцох гэх мэт нэхэмжлэлийг хүргүүлж байжээ. Энэ хууль бус зүйлийг таслан зогсоохгүй аваас ерөнхийдөө МСНЭ гэсэн нэрийн дор цөөн хэдэн хүмүүс өөрсдийн эрх ашгийн төлөө үйл ажиллагаа явуулж, бизнес болон улс төрийн ажилдаа холбож ашиглах нягууртай байна. Мөн тулгамдаж байгаа хэд хэдэн асуудал байна. Үүнд: сэтгүүлчийг эх сурвалжаа нууцлах эрхийг олгож өгөх, сэтгүүлчдийн хөдөлмөрлөх эрх ашгийг хамгаалдаг үйлдвэрчдийн байгууллага бий болгох зэрэг асуудалыг нэн тулгамдсан асуудал гэж бодож байна” гэлээ.

Эх сурвалж:www.polit.mn