Байгаль хамгаалагчид зуслангийн бүсийн 790 орчим га талбайд хортон шавж устгах ажил үргэлжилж байна. Энэ  ажил энэ сарын 4-нд эхэлсэн юм.

• Чингэлтэй дүүргийн 19 дүгээр хорооны нутаг дэвсгэр Майхан толгой, Жигжид, Шадивлан, Яргайт
• Сүхбаатар дүүргийн 19 дүгээр хорооны нутаг дэвсгэр Хандгайт, Богинын ам, Баянбулаг, Шаргаморьт, Хуурай мухар
• Сүхбаатар дүүргийн 20 дугаар хорооны нутаг дэвсгэр Сэлх, Их, Бага Хустай, Гоодойн даваа, Бэлхийн Их, Бага Цуурайтын ам, Өвөр хадат, Хадат зэрэг хортон шавжийн хэт олшрол үүсээд байгаа ойн сангийн 790 орчим га талбайд тэмцлийн ажлыг зориулалтын утаат, үүргийн шүршигч багаж ашиглан явуулж байна.

Нийслэлийн ногоон бүсийн хэмжээнд ойн хөнөөлт шавжийн тархалтын судалгааг мэргэжлийн байгууллагаар гүйцэтгүүлэн Баянзүрх дүүргийн 20 дугаар хорооны нутаг дэвсгэр Дээндийн нуруу, Бага Хуандай, Шар хоолойн амны 1603 га талбайд утаат, үүргийн шүршигч багаж, авиа микробиологийн аргаар тэмцлийн ажлыг зургаан сард хийсэн гэж Нийслэлийн Байгаль орчны газраас мэдээллээ.