• Зууны мэдээ сонин онлайн захиалга

Сэрэмжлүүлэг: Төв болон зүүн аймгийн зарим хэсгээр түр зуурын бороотой

Т.САЙХАН

Голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байх, хот суурин газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна гэж ОБЕГ-аас мэдээллээ.

Цаг уурын байгууллагын ирүүлсэн мэдээллээр  Хөвсгөлийн уулсаас эхтэй Үүр, Хэнтий нурууны баруун хажуугаас эхтэй Туул, Ерөө зэрэг голуудын усны түвшин өмнөх өдрийнхөөс 10-30 см нэмэгджээ. Мөн Алтай нуруунаас эхтэй Ховд, Увс нуурын савын Хархираа, Хэнтий нурууны зүүн хажуугийн Улз, Их Хянганы нуруунаас усжих Халх зэрэг голууд үерийн түвшинг 5-25 см даван үерлэж байна.  Туул гол Алтанбулаг сум, Ерөө гол Дулаанхаан сум, Эг гол Хантай баг орчимд усны түвшин 15-30 см нэмэгдэх хандлагатай гэжээ.

Ойрын өдрүүдэд төв болон зүүн аймгийн зарим хэсгээр түр зуурын аадар бороо орох тул жижиг гол, хуурай сайраар сүйтгэл ихтэй уруйн үер буух, гол мөрний усны түвшин нэмэгдэж, богино хугацаанд үерлэх магадлал өндөр гэдгийг анхаарууллаа. 

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.